هندسة حاسوب..ولا أي تي I.t | الصفحة 2

المشاركة الأصلية كتبت بواسطة: مريم مجال البرمجه محدود بكم شركه غالبا بشغلو المتفوقين ( ومعهم حق اكيد)

أظن انه ما معهم حق........ لانو في كثير من الطلبة غير المتفوقين بكونو مبدعين في حقل واحد

يعني المتفوق بكون شاطر في كل شي بس عادة مش محترف

أما في ناس بكونو مش متفوقين بس شاطرين في شغلة وحدة ومحترفين جدا فيها........ والامثلة كثيرة من ناس عمرهم ما كانو أوائل على صفهم وصارو من اشهر الناس واغنى الناس في العالم........

فراس... انا شفت بجامعات الاردن... بكون في اتصال بين الجامعه و الشركات الكبيره. من قبل ما يتخرّجو الطلاب . عشان نخبة الطلّاب يكون الهم الاولويّه الكبيره...!!!!!
رأيي انو عنا الطالب ما بتفوق و بجيب من الاوائل على كليتو الا اذا كان بستاهل... المشاريع و الامتحانات مو الكل بقدر يحلها...!!! اللي حلها و تفوق فيها بكون بستاهل يشتغل... لأنو مبرمج ممتاز بكون.....
مو يعني اللي حكيتو انو باقي الطلاب ما لازم ياخدو فرص... و مو يعني انهم ما بعرفو يشتغلو... ابدا مش هيك قصدي....!!!!

المشاركة الأصلية كتبت بواسطة: فراس بس يمكن العكس مو موجود كتير ....أنو يكون الشخص متفوق ..وما بعرف يشتغل شي .....هون بكون في أشي غلط ...ومو طبيعي

عشان هيك ..يمكن بفضلو المتفوقين ....(بس مش عدل)

هو مش عدل بالنسبه للطالب ... بس عدل بالنسبه للشركه اللي بتحاول تختار الموظف الأكفأ أد ما تقدر.......

و الجامعه بس بتاخد الطالب الاول.. يعني يمكن يكون بينو و بين التاني كم عشر ... فالتاني رح ينزل علسوق....و بالتالي بكون الو الاولويّه غالبا..... طبعا انا بحكي بعالم خالي من المحسوبيات و الواسطات ... يعني يمكن كلو حكي فاضي اللي بحكيه و يكون لا يطبق.....

الواقع الموجود عنا بشكل عام انهم بشوفو اول اشي المعدل...... بعدين بفكرو في اهتمامات الطالب وفي إيش هذا الطالب مهتم ومحترف...... طبعا هذا بقتل الابداع عنا وبخلي الواحد ما يتابع الاشي اللي هو مهتم فيه...

المشاركة الأصلية كتبت بواسطة: مريم رأيي انو عنا الطالب ما بتفوق و بجيب من الاوائل على كليتو الا اذا كان بستاهل... المشاريع و الامتحانات مو الكل بقدر يحلها...!!! اللي حلها و تفوق فيها بكون بستاهل يشتغل... لأنو مبرمج ممتاز بكون.....

في الشغل ما في امتحان على ورق....... في في الشغل إيش بتعرف وكم بتنجز...

المشاركة الأصلية كتبت بواسطة: فراس

بس لو أنا مدير وبدي أعين موظفين عندي بهادا المجال .....أخر شي بأطللع عليــه هو أداء الطالب خلال دراستوا....هو أكيد بعطي انعكاس عن هادا الشخص ...........بس أنا ما بتعامل مع وراق ولا علامات ولا تاريخ ....أنا بهمني الشي الموجود.....واللي بشوفو بعيني ......يعني بشوف كل واحد شو عندو مهارات وقدرات وبالأضافة للمقابلة الشخصية ....بقرر أذا هادا الشخص مناسب أو ..لأ .......


يمكن أنا بفكر هيــك لأنو واقع التدريس عنا ....ما بعتمد الأسلوب العملي البحت كمقياس في نظام العلامات ......رغم أنو بفحص مدى فهم الطالب للي باخدو 100% ........ولكن
في شباب بكون عندهم أبداع كبير بالشغل ....بس يوم الأمتحان ما بعرفو يدرسوا منيح ((يمكن ظروف يمكن مو متعودين)) ......فما بقدروا يكونوا من المتفوقين علماً بأنو يمكن عندهم قدرة بالشغل الفعلي أحسن من الكل.

أنا معك بشكل كامل