السلام عليكم ورحمة الله
تحياتي الى الجميع
في الحقيقه الموضوع الي رح نتحدث عنه مهم جدا جدا ورح احكي بكل صراحه بجوز الموضوع طويل ولاكنه مهم
ماذا تفعل /تفعلين اذا يوم من الايام وجدتي صورك على احد الجوالات وانت مع الحبيب.حتى لو كانت تركيب
ماذا سيفعل عائلة اي بنت او حتى شاب اذا اكتشفو هذه الصور
ما هي نظرت الاقارب والجيران و المجتمع لك / لكي
هل فكرتم بهاذا الأمر
الموضوع انو كتير من الشباب في مجتمعنا بحب انو يصور حبيبته او صديقته على جواله وطبعا رح يخزنها عنده عشان بحب يشوفها بكل وقت (ال يعني )
وطبعا البنات بما انهم مسالمات الى حد كبير بوافقه على الموضوع مباشرة
والي بصير انو حضرت الاخ الحبيب بعطي جواله للشباب الي همه صحابه وبدون ما يعرف الاخ الحبيب الاصحاب ببعتو الصور لجوالاتهم بدون ما يعرف وتبدأ نشر الصور زي ما انتو عارفين على البلوتوث.
وكمان ممكن يضيع جواله الشاب والي وجد الجوال طبعا رح يفتحو ويشوف الي فيه وهاد خلى عائله مسيحية محافظه من جنين انها تقتل بنتها الي كانت في وضع مش صحيح مع الشاب الي ضيع جواله .
الي دعاني لاكتب الموضوع انو احد سائقي العمومي وجد في السيارة تبعتو فلاشه وطبعا الكل بعرف انو الفلاش بتخزن عليها كتير اشياء . المهم في الموضوع انو السائق اعطى الفلاش لشباب بركي حد عرف صاحبها وطبعا صاحب هذا الفلاش كمان مخزن فيها صور كتير بنات ،في البدايه الشباب فكروا انو الصور تعود الى عائلة الشاب ولاكن الشباب عندهم حب الاستطلاع فوجدو عليها كتير صور لبنات من الجامعة ولو انو الشباب طلعوا قليلين اصل كان هلأ كل الجامعه معها الصور (الكل بيعرف البلوتوث شو بسوي ).
طبعا الكل بيعرف انو الصوره كيف ممكن انو حد يتلاعب فيها عن طريق التركيب وياما حصلت في بلادنا وفي كل العالم .
رجائي موجه الى البنات والشباب لاني لا اضع اللوم على احدهم دون الاخر ، يا بنات انتبهو الى مثل هذه الامور لانكم انتم الخاسر الاكبر من هذا الموضوع.
ولكم كل الشكر على سعة صدركم
