سامحنى
لوغلط قلبي عليك
وقال أحبّك
وأعذرني
لو قسى نبضي عليك
وردد إسمك
وأغفر لي
زلّة عيون تمنت
إنها بلحظة تشوفك
وأرحل عني بعيد ولا يهمك
أتركني في مهب الريح أعاني
بين جرح القلب منك ومن حبّك
أجرحني
أكثر وأكثر لا يهمك
وعذبني
كل ماقرّبت يمك
وأطعني ألف طعنة
لو خيالي مرّ بك أو جاك زاير
وإن لمحتني بطيفك
أصرخ وقول كرهتك
وأنسى إني كنت بيوم حبّك
ولا يهمك أتركني
أعيش عمري
بين موت النبض فيني وبين حبّك
ليه يا صوت الألم تصرخ علي
ليه يا نبض الوهم تقسى علي
ليه يا دمع الندم تخطي علي
وش هو ذنبي اللي ارتكبته
غير دمع في غيابك كم سكبته
وكم ذكرتك في دجى ليلي
حبيبي وأنتظرتك
بس لو مرّة غلط فكرك وجاني
أصرخ وقول كرهتك
وأنسى إني كنت بيوم حبّك
وأتركني في شتاتي
بين صوت الشوق فيني وبين حبّك
إن كان قلبك نادم إني كنت حبّه
وإن كان فكرك ضاق إني كنت قربه
لو سمحت أصرخ وقول كرهتك
ولا يهمك لو بكى قلبي
ولك نبضي ينادي
قول إنك في حياتي كنت عادي
وأتركني أموت تايه
بين لهفة صرخة أشواقي
وحبّك
