هل انت موافق على عودة الحملة على السيارات ؟

انا بقول انه كل واحد بحكي هيك مهما كانت الاسباب
فهو انسان اقل ما يقال عنه انه تافه ولا مبالي
والمصلحه الشخصيه هي المسيطرة على عقولنا هلأ

وبدي اشوف الاراء بركي طلعلنا واحد ما بأيد الحمله

انا وبكل صراحه اؤيد الحمله على السيارات ولكن قبل ان تتجدد الحمله مره اخرى يجب ان تبداْ على الاسلحه وعلى الزعران لان السيارات المسروقه او المشطوبه خطرها اقل بكثير من الاسلحه الموجوده في الشوارع وعلى عينك يا تاجر يعني بتلاقي الشرطه معبيين الشارع والزعرنه على عينهم وما بيعملو شيوكاْن هم نابلس الوحيد هو السيارات المسروقه والمضحك في الموضوع انهم نفس الناس يلي عاملين انفلات امني مرات بتلاقيهم مع الشرطه ضد الانفلات فيا اخي لاتوجعو راسكم فهيك مواضيع خليها على الله

انا معك حارس الاقصى
ازا ضلت الزعرنة ولا عمرها بتسير الحملة حملة قوية
لأنو الشرطي ازا وقف مسروق رح يطلع جواها مسلح يعني لابد انو يطلع مسلح جواها ولو فرد
لازم اولا يضبطوا السلاح بعديها السيارات
وشكرا للموضوع

والله يا جماعة أنا ضد الحملة .... لأنه لو أنا سايق سيارة مسروقة و أخدوها مني و تاني يوم بلاقي فلان و فلان ماشيين عادي سياراتهم و الشرطة بتعملهم تحية ... يعني وقتها ما بعرف شو رح يطلع معي ... و الخلاصة ... انو مجرد ما نخلص من الزعران انا متأكد انو كل واحد عندو سيارة مسروقة رح يحرقها هو .

أنا بأيد رجوع الحملة

بس بشرط انها تكون عالجميـــــــــــع

مش على فئة من الناس

ما في حدا بكره النظام والقانون
بس يكون على كل شي مش بس على السيارات المشطوبة
يعني كل البلد فوضى واستهتار بأرواح الناس وكل ليلة اعراس واطلاق نار للسما وبنص الليل العاب نارية بتصرع الأطفال والكبار بالسن وطوش وطخ والسبب شو؟؟؟ ليش بتطلع في هيك او على شغلة تافهة....نحنا كلنا مع الحملة بس حملة على كل شي مش بس عالسيارات
مشكور nosmail على طرح الموضوع

انا رأيي من رأي الجميع انو تكون حملة شاملة على كل شي وعلى الجمييييييييييييييييييييييع
مشكور على الطرح اخي الكريم

انا مع الحمله على السيارات المسروقه والمشطوبه
وازا في حمله على البني ادمين المشاطيييب برضو بصييير

انا رأيي من رأي الجميع انو تكون حملة شاملة على كل شي وعلى الجمييييييييييييييييييييييع