التوجيهي يعني هل هو صعب؟
ما منقدر نحكي عنو سهل....
هل سنة التوجيهي متل أي سنه من سنوات الدراسه اللي بتمر؟
لا.. و الله احلى منهم كلهم.. بتكون كل الدار بدللك .. و بلبولك طلباتك و كلهم بدهم راحتك ... و انت بتدرسي احسن من السنين القبل لأنو بضل مرحله بتحدد اشي بحياتك...
أفضل أوقات الدراسه :
بالايّام العاديّه.. بعد العشا.... بالشهر و ايام امتحانات الوزاري الصبح بعد الفجر...
إذا حد راح يقدم وهو مش خاتم .. شو بيعمل ؟
انا كتييييييير بطيئه بالدراسه.... دايما بروح مش خاتمه .. بس بدبّر حال الحمدلله لاني بكون دارسه من اوّل... يعني انا بلاقي قبل الامتحان ما تخافي كتير اذا ما بتختمي... اصلا انت بتكوني خاتمه الماده من اوّل.... و بتتذكري على الورقه.. و المواد الحفظ زي الدين و الاحياء حاولي تقرئي قراءة اذا التحقتي بالوقت.. و تأكدي انو تعب سنه مستحيل يضيع بيوم....
كم ساعه كنتو تدرسو في النهار ؟
بالشهر انا كنت ادرس كتير.. ايام المدرسه في ايام كنت يادوب ادرس ساعتين... بس برضو حسب شو علي ما في عدد ساعات محدد
وهل واجهتو صعوبه في إنكم بتقدمو الفصلين مع بعض؟
بالعكس احسن فصلين مرّه وحده... لانو لو كل فصل لحالو كأنك قدمتي توجيهي مرتين....
هل صحيح إنو العلمي صعب جدا جدا متل ما بيحكو ؟؟
بالعكس.. حلوووو.. صعوبتو بالفيزيا..
واذا كان طالب معدلو في التمانينات هل ممكن يدخل علمي؟
اكيد...
وشو دور الدروس الخصوصيه ؟؟
يا ستي انا كان عندي استاذ خصوصي فيزيا... كل اسبوع كان الي حصّه... و كتير فادني و جبت معدّل بالفيزيا منيح بالنسبه الي لاني بكرههااا الله يخليه و يرضى عليه.. لهلأ بدعيلو... و معلمة الفيزيا عنا كمان كانت منيحه
و آخر السنه اخدت كم حصة خصوصي كيمياء بالعضويّه لانو معلمتنا كانت بطيئه و آخر السنه استعجلت بالشرح فما فهمنا منيح.....
هل الأول ثانوي إلو علاقه في التوجيهي ؟ ومين أصعب؟
اظن لأ... انا لقيت اول ثنوي اصعب من التوجيهي,,
أنا كمان 2 سنه توجيهي .. وميته خوف منها ..
الخوف دليل على عدم التوكل و ضعف الخائف.. و انت قويّه مش لازم تخافي... و لمّا يطلعو النتائج بتنسي كل شي... و الله احلى فرحه بحياتي... و اهلك بنبسطو عليكي...
بالتوفيق للجميع...
توجيهي فوت إحكي ...