انا حطيت ردي بعد ما قرات كل التعليقات ....
عن جد يا ريت هون بنابلس في هيك مدرسة يا ريت يا ريت يا ريت ... يعني لو في هيك مدرسة كان شفنا مجال ابداعي ومجال للموهوبين عن جد وانا كان دفعت نص عمري بس اسجل بهاي المدرسة .... لانه لما يكون عندك كل المتوفر الك من شرح رائع ومن مختبرات ومن كل شي ومن شرح روعه شو عليك غير بس تدرس حتى ما بكون بدك تدرس ما عليك غير تراجع معلوماتك .... انا هون يعني بعتبر الشاطرين منقوم عليهم عن جد ورايحة عليهم على الاخر يعني هون جايبين معلمات وكل وحدة رجلها والقبر وبعدينا بسنة بتتقاعد وزهقانة وطالعه روحها من التعليم وما بدها شي بس بتضل تدرس مشان تاخد فلوس وبتدمر جيل باكمله يعني لو جايبين معلمات او اساتذة متل العالم والله رح نصير اعظم جيل لانه في عنجد موهوبين وقول لسا الطالب الشاطر بهتم شوي بجيب اساتذة بنتبه بالحصة يعني انا لما تكون معلمتي بفصل من الفصول مو كويسة شو بعمل اول شي بحاول استوعب قد ما اقدر منها واذا ما قدرت باخد من صفوف التانية معلومات معلميتهم بتقولها الهم وبجيب استاذ او بسجل بمعهد ... وانا يعني بعد حالي يعني من الشاطرات بس والله مو هالدراسة الي بدرسها يعني يا دوب باليوم ساعتين بدرس لانه بكون محضرة من الاول وبستوعب من المعلمة الي بستوعبه ولما اروح براجعه ولما يكون علي الامتحان يعني بس بكون مراجعه سريييعه ولما اجيب مثلا 19 من 20 اكيد رح ازعل وابكي لانه رح تكون دايما غلطتي غلطة هبل او المعلمة بتكون حاطة سؤال متفلسفة فيو وبكون في اكتر من احتمال للاجابة وهي بتحط صح على الاجابة الي بتعجبها ....وبقضي وقت كبير عالنت وبعمل برامج للمدرسة وشاركت مع مدرستنا بعمل مشروعه للمدرسة وعملت الهم مشروع على المديتر برنامج رائع جدا في تسهيل لدراسة مادة الكيمياء تاعت الصف العاشر تاعت الالكينات والكاينات وعملت المشروع متل ما انا فهمتو مو متل ما هو موجود بالكتاب وفي احتمال 98% مدرستنا هي الي تفوز لانه لسا ما طلعت النتيجة لهلأ لانه اخدو البرنامج منا باخر المدرسة ....
عن جد يا هناء يا ريت عنا هون هيك مدرسة ولو بقدر اجي عندكم واسجل بهاي المدرسة والله رح اجي وادرس فيها لانه عن جد فيها ابداع لما يكون كل شي متوفر الك من كمبيوتر لكل واحد ومكتبة والنت كمان وكل شي ... مدرستنا بنكون 38 بنت كنا هاي السنة وهاي اقل صف بكون في هيك اعداد دايما كانو 45 طالبة وعلى الكمبيوتر 6 بنات او اكتر وطبعا ما في النت ولا شي بنقول للمعلمة شو ما بدكم تشبكو بتقول ان شا الله كمان 10 سنين بكون في بكل مدارس نابلس ... ومرة واحنا بنعمل بمشروع المدرسة شفت على جهازين مشبوكين على الانترنت بقول للمعلمة خالتو هون في انترنت صح بتقلي لا لا ما في قلتلها ما بدي اياه انا بس بدي اكمل تنزيل برنامج مساند للمشروع بتقلي انا مو من صلاحياتي اني اخليكي على النت روحي اطلبي اذن من المديرة ... لما شفتها هيك قلت بيني وبين حالي بلاش لشو نتحمل الجميلة من المعلمات ...لانه احنا مديرتنا شكلها هي ومعلمة وحده بخوف كيف بدك تروحي تحكي وتناقشي معها ...ولا المكتبة اللهم صلي عالنبي لا في مراجع متل العالم ولا شي كله قصص صف اول باخدها وما في هالمراجع المنيحة واذا في مرجع منيح بدنا ناخده ما بصير تاخدي عالبيت عليكي تنسخي وبس تشتغلي اله ناسخة يعني انا المرجع الي يا الانترنت او مكتبة البلدية لانه مدرستي ما فيها للاسف .....
واذا عالطالبات الضعاف انا الي كتييير صاحبات من الضعاف في المدرسة بحاول اساعدهم اذا قدرت اساعدهم وبعمل كل جهدي ...لانه دايما الفكرة السائدة الطالب الشاطر ماله صحاب غير الشاطرين والكتاب لا انا الي كتير صاحبات ضعاف وشاطرات والكتاب كمان ....
يا ريت والله لو اقدر اجي بس ادرس اول ثانوي والتوجيهي عندكم والله يا ريت بس ويعملو النا مدارس متل العالم يعطيكم العافية
وسوري مشان طولت بالحكي
مدرسة عرفات للموهوبين في غزة.....ما رايكم فيها؟؟؟؟
