مدرسة عرفات للموهوبين في غزة.....ما رايكم فيها؟؟؟؟
اولا.... الاعتراف بالذنب فضيله..... انا بالغت بالحكي بمشاركتي الاولى,, اكتر اشي لمّا شملت الكل بالبعض..... بس انا و انا بحكي استحضرت كم نموذج من بنات بعرفهم فحكيت اللي حكيتو....
تانيا... لما حكيت" باكلو و بشربو و بلعبو الدراسه" فعلا في ناس هيك....طبعا ..العلامه مقياس لا احد ينكر ذلك و لكن.... هي ليست هدف... انا البنات اللي تخيلتهم يكونو معي بالمدرسه... بنات كانو لما يجيبو 19.5/20 بامتحان شهرين يخلصو دموعهم من العياط... ناس لما حد يجيب اعلى منهم بعلامه يكرههووو,,,,,, ناس بتعبد العلامه....
. صاحبتي كانت بالصف العاشر ب ""س"" من المدارس الخاصه.... مره حدثتني ادّيش كان الصف العاشر صعب و انو بترجع عل بيت من الصيح لليل الدراسه,, و هي المدرسه غالبها متفوقات ,, يعني شبهتها بالمدرسه اللي بتحكي عنها هناء... و بالآخر اذا بدنا نعتبر التوجيهي مقياس... كلنا جبنا علامات,, اللي درس عادي بعاشر,, و اللي ما نام و هو يدرس....
و من شهر اجت عندي بنت بالصف السابع ادرّسها بنفس المدرسه .... يا حرام حزنتني و هي بتحكيلي عن مدرستها و ادّيش مضغوطين,, و ادّيش كارهتها للمدرسه, مع انها نوعا ما شاطره.... معدلها 85 انا متأكده لو كانت بمدرسه عاديّه لجابت بالتسعين,,, بس هم المدارس هدول بحملو الطالب المتفوق فوق طاقتو.... انا نظريتي انو الطالب لازم يعيش.... و ايام المدرسه حراام تكون مش حلوه... لأنها ذكرياتها احلى منها,,,
بس انا ما بحكي الواحد ما يدرس... اصلا اذا ما درس ما بجيب... و اذا جاب ,, دراستو بتعطيه معلومات الو...يعني بالآخر هو الخسران.. خاصه بالجامعه...دراسة الطالب بتخصصو الو لأنو بالآخر "تخصصو هو حياتو و مستقبلو" و اذا جاب علامات بلا دراسه بغش او غيرو.. رح يطلع فاشل عمليا...
المدرسه اللي حكت عنها هناء,, انا شايفه مبدأها زي ما حكيتلكم فوق غلط""بنظري"",,, فراس مشروع المدرسه اللي حكيتلنا عنو و لم ينفذ... يا ريت يصير عنا مجال يظهرو ابداع الموهوبين ( و ليس التفوقين).... بس مدرسة هناء كأنها بتحكي لل من 90 و فوق تعالو تميّزو,, و انت يللي جايب 80 آآسفين ما معك مجال تتميز و تتفوق.....
ما اظن رح تنتج هاي المدرسه مبدعين.. لأنو كتير ناس معدلاتهم بالتسعين مش موهوبين و في ناس بفكو الحرف بصعوبه موهوبين.... يعني هدف المدرسه اعتقد تخريج افواج متفوقه اكاديميا و ليس عمليا( مش عارفه اذا فهمتوني).......
كمان نقطه.... اذا هاي المدرسه فيها كل المتفوقين... شو ضل لباقي المدارس... اصلا وقتها المعلمات و الاساتذه رح يشوفو مستوى الصف من غير متفوقين رح يقل اهتمامهم فيهم... و بالآخر هم مش ذنبهم احنا الله خالقنا مستويات و قدرات... اعتقد من الافضل جمع هاي القدرات و المستويات والمواهب المختلفه مع بعض عشان كل حد يستفيد من التاني و يتعرف عليه, و يعيش معو.... و مش غلط المتفوق بمجال معين يعملولو اشي متلا حصه بالاسبوع لحالهم يزيدو تفوقهم لحالهم ... بس مش يعزلوهم عزل نهائي عن باقي الطلاب.... اصلا لنفسية المتفوق مش حلو.. لأنو هو بالنسبه للعالم الخارجي و الطلاب اللي برّه مدرستو متفوق.. ام بالنسبه لطلاب اللي معو بالمدرسه اللي كلهم متفوقين هو شخص عادي.....
اتمنى ان ارى تعليق على مشاركتي..... فراس&& هناء هل تعتقدون اني مخطئه فيما كتبت ...؟؟؟
و اخيرا... هي وجهة نظر,, اراها انا صحيحه و يراها غيري خاطئه......
يعطيني العافيه... تعبت قد ما كتبت اقرؤوووووو اذا سمحتوووو بلاش اكون تعبت على الفاضي
