يانابلس ..ياشامخه

والله يا اختي الواحد صار يخاف ينزل من دارو
لسا اليهود بعرفو وين يطخو اما المسلحين عشوائي
الكل بنابلس خايف انو تسير حرب اهلية بنابلس
من غزة لنابلس والحمد لله
الله يهونها على خير

لو الاخوة الي معها سلاح وبتطخ تشوف اسرائيل ليش بطلت تقصف بغزة
لانهم شافوهم بطخو ببعض وهمة مكيفين

في موضوع اليوم انا كتبتو إنحذف ليش يا مراقب
الواحد ممنوع يقول رأيه؟؟
انا قلت اللي بخطفو أو بثيرو الفتنه همه عملاء وجواسيس وزعران
شو الغلط بكلامي عشان ينحذف موضوعي فهموني؟؟

اختي الساهرة
مع كل الأحترام لكل المواضيع
بس انا حطيت على شريط الأهداءات انو ممنوع نشر اي موضوع بيتعلق بالأقتتال الداخلي
واكيد الجميع لاحظ شو عم يصير بكل موضوع عم ينزل عن الموضوع
انا مش ملحق حذف وتعديل وفي ناس بتستغل الوضع لتكبر الموضوع
يا ريت الكل يتفهم حساسية الموضوع وما ياخدها على شي تاني ويعذرني على الي بعملو بس كلو لمصلحة المنتدى والأعضاء
ويا ريت نركز بهيك ظروف على منتدى الشهدا والدعاء بأنو ربنا يرفع الهم والغم عنا
وكل الشكر لتفهمكم وتقديركم لأجرائاتنا بالمنتدى

اخت الساهرة المراقب العام ما حذف الموضوع على شان
ما بحب مواضيعك بالعكس فى الك مواضيع حلوة كتير
بس يا ريت اختى العزيزة الساهرة بلاش كلام فى السياسة
لانو كل واحد الو رايو الخاص واحنا مش كل قلوب الاعضاء
وفى كمان اعضاء جدد دخلو على المنتدى وبدهم سياسة على شان يغلطو ويسبو
يا اختى ما تشكى لحد اشكى لربك الواحد الاحد وهو عارف شو اللى بصير فى غزة وفى نابلس
وانا بقول الله يهدى الاوضاع ويرجع سلاحنا على اليهود
دمتى للهنا بالف خير


وارجو ما تزعلى

بسم الله الرحمن الرحيم
والله كلامكم صحيح انا على كل حال كنت مقهوره من اللي عم بصير وحبيت انفس عن اللي بداخلي
يارب الفرج من عندك ..

الهم غير الحال بأحسن منه .. أخوني الملوم بلفلتان الامني هو نحن ... الشعب