🎉 🎉 بشرى سارة! بعد إغلاق دام منذ عام 2008، نعلن اليوم عودة منتديات الهنا من جديد! يمكن لأي مستخدم استرجاع حسابه عبر صفحة الاسترجاع، أو من خلال هذه الصفحة في حال نسي بريده الإلكتروني. يمكنكم أيضًا زيارة أرشيف الموقع. 💙

أهلا وسهلا بك زائرنا الكريم في منتديات الهنا، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .

حوار بين لابورتا وكالديرون وقوم اوقف وانت بتكلمني ..!!

كما تعلمون العلاقه وطيده ومنيله بستين نيله بين الفريقين ريال مدريد وبرشلونهوعمق الأنجازات الكرويه للريال مدريد والطفو فوق سطح الليغا للفرشاوتعلمون مد



13-06-2007 02:07 مساءً
معلومات الكاتب ▼
تاريخ الإنضمام : 06-06-2007
رقم العضوية : 4,066
المشاركات : 267
الجنس :
يتابعهم : 0
يتابعونه : 0
قوة السمعة : 10
تم شكره: 0
93267780

كما تعلمون العلاقه وطيده ومنيله بستين نيله بين الفريقين ريال مدريد وبرشلونه ..
وعمق الأنجازات الكرويه للريال مدريد والطفو فوق سطح الليغا للفرشا ..
وتعلمون مدى الأحترام المتبادل بين رئيسي الفريقين ..
فكان هذا حديث قصير بين الزعيمين الأسبانيين :

لابورتا : ازيك يا كالديرون عامل ايه ؟..
كالديرون : الحمد لله قربنا للدوري الـ 30 والعمليه زي السكينه في الحلاوه ..!!
لابورتا : ااااه .. كل شيء جايز ..
كالديرون : smile
_ والله ياريمون ياحبيبي قلبي مش عارف اقولك ايه ..
بس عندي سر كده وياريت لو الكلام يبقى بينا بس ..
- يا لابورتا عيب عليك دحنا من بلد وحده عاوز العرب بتوع الجزيره الرياضيه يقولوا عنا ايه
ولا ابو ريش اخضر ده يتريق علينا ويقول ان مفيش في بلدنا وحده وطنيه ولا ايه ؟
ولا الي شبه تويتي ده طارق كباب..
- ااه الريش والكباب عارفوه
- ههه يبقى حعزمك على بتاع كفته اول مانرجع مدريد بس انما ايه ..
اتفضل قول بقه ايه الموضوع السري ده شوقتني؟
- والله هو الموضوع محرج شويه ...!!
- خير ان شاء الله ؟
- يعني انت عارف الظروف الي مرينا بيها وفرانكو والظلم الي تعرضنا له ؟
- ااه ياحرام.. بس ده الراجل مات من زمان ؟
- ههه منا عارف انه مات بس زي ما انت عارف الي كان بيعملوا فينا !!
- طيب وانا دوري ايه في الكلام ده ؟
- يعني هو الموضوع محرج شويه
- ياراجل قول انا زي عمك برضو متتكسفش ؟..
- ممم كنا عاوزينا كاس سلف كده يعني سنه اتنين تلاته ونرجعه تاني.
- كاس !!!!!!!!!
- اه كاس .
- كاس ايه كف الله الشر انا بطلت شرب من زمان
دا كان المدام تقطعني !!
- ههه ياراجل انا مش قصدي خمره اعوذ بالله دي حتى مضره بالصحه
وبعدين بصراحه كده انا خايف اشرب واسكر واقول اني رشيت الحكام
في الدوري الي فات دي تبقـ....!!
ااا هو انت سمعت حاجه؟!!
- لا منتبهتش
- طب الحمد لله .. هاه قلت ايه
- خلاص يابلدياتي اهيه برضو وحده وطنيه بس عاوزه الكاس ده ايه يعني؟
- ممم انا عارف انه طلب رخم شويه بس ياريت لو من دوري ابطال اوروبا
انتو عندكم 9 يعني كتير قوي واحنا عندنا 2 وفرانكو وانت عاااارف القصه؟!
وزي ما انت عارف الناس والجماعه بتوعكم بيتريقو على عيلنا بسبب الموضوع ده !
- خلاص ياراجل انت حتعيط ولا يهمك خد لك اتنين بس ترجعهم على اول السنه الجايه
- ربنا يخليك ليا وميحرمنيش منك ياراجل ياسكر مش عارف اشكرك ازاي
- لا ولايهمك ولو عاوز حاجه تانيه انا تحت امرك
- متشكر جدا كلك زوق يالله وطبعا انت عارف انا محامي قد الدنيا
اي قضايا رشاوي, سرقه نقاط وحجات من دي انا خدامك
- اه طبعا بدون ماتقول سلام يا حبيب قلبي
- سلام ياريمون
- اااه استنه متقفلش السكه
- ايوه نعم
- والنبي يبقى سلم لي على رونالدينيو قوي
عاجبني قوي الود ده
عامل زي بتوع السرك كده معرفش ازاي بيجنن
ولا سنانه ياسلام على سنانو عجبني عجبني قوي
- ههه ان شاء الله يبقى يوصل
سلام ومتشكر قوي على الواجب الي عملته معايه
- ياراجل ولا يهمك سلام ياحبيبي قلبي
* وفي السنه التاليه:
- الو
- الو مين
- ياراجل ياطيب بقه مش عارف صوتي
- ااه لابورتا اهلا وسهلا
- ازيك عامل ايه ياراجل ياطيب
- الحمد لله بخير متوخزنيش دحنا بقلنا سنه متكلمناش كده ياراجل ياندل تاخد الكاس ولا تتصلش؟!
- والله مش عارف اقولك ايه شويه مشاكل مع حكم في مباراه عمل معانا حركه مش ولابد ..!!
- مش ولابد ازاي يعني ؟
- حاجه كده في النتايج .. متخدش في بالك
- ااه ومالو ..
بس غريبه يعني متصل !! مش عوايدك !!! ( هذا انا يوم اتصل على الملك)hehehe
- والله مش عارف اقولك ايه بس الموضوع سري قوي
- خير ان شاء الله؟
- هو الموضوع محرج شويه
- بقلك ايه احنا بقينا اخوان قول انا عارفك زي اللوح مبتتكسفش !
- ههه ربنا يكرمك ..يعني انت عارف نجومنا زمان كانو شويه
وانتو اخدتو منا ديستيفانو بالظلم والقوه والكلام ده وانت عارف !!
- ااه ياحرام ..طيب وانا دوري ايه في الكلام ده ؟
- والله يعني كنت طمعان في كرمك تسلفني 3 دوريات ليغا
اصل انتو عندكو كتير 29 وحده واحنا 18 وانت عارف الناس والجماعه بتوعكم
بيتريقو علينا بسبب الموضوع ده ..!!
- ااه فهمت ولا يهمك خد تلاته بس ترجعهم اول السنتين الجايين دول؟!
-ربنا يخليك ليا ياكبير وميحرمنيش منك ياراجل ياسكر
- اهلا وسهلا واهيه وحده وطنيه ..!!
- ربنا يخليك لينا يالله سلام
- سلام ياحبيب قلبي
- الو الو استنه متقفلش
- ايوه في ايه
- اه يبقى خلينا على اتصال في مباراه اسبانيول
وسرقسطه الي حيلعب معاكم .. (عشان لما يفوزنا الحكم يبقى اتريق عليه )1aa
- اااه اكيد ولا يهمك
- مع السلامه
- سلام ياقفل
*وفي المباراه والتي كانت تلعب في توقيت موحد :
- ايه ده ايه ده وعاملين فيها ريال وريال
والتاريخ ومن ليس له ماضي ليس له حاضر
وخسرانين 2-1 بقه ده كلام خخخ
- ااه بتتريق يابو دماغ عامله زي النجفه ..!!
- ااه شفت بقه هههه
- قال يالابورتا
هو جول ميسي ده كنتو بتلعبوا طايره ولا ايه ..!!!


51004439


- ههه والله راجل عسل .. لا مش طايره ولا حاجه
بس انت عارف الواد لسه طالع وعاوز يقلد ماردونا وانت عارف بقه كلام العيال بقه
وده برضو فن ..!!
- اااه فن .. عارف ...!!
الا مقلتليش
- ايوه
- مش حتجيب الي عليك؟
- الي عليا !!!!
- اااه الي عليك حتستعبط ولا ايه
- اااه ههه تسدق نسيت
يبقى حبعتهم لك في مسج ..!!
- مسج !!!!
- ااه مسج
- ( رساله صويته) ..
( الواد قلبو بيوجاعو وعاوز دوري يدلاعو ..
الواد بيقول الاه اه اه اه
مش لاقي ليغا معاه اه اه اه )
- ااه يا ابن الـــ.... ***
كنت عارف انك ندل ومش حترجعهم ..
- حبيبي دحنا بقينا كبار قوي
وبصراحه مبعرفش ليه لما بكلمك
بحتاج ابص لتحت !!
- لتحت !! ماشي لقانا بعد الماتش ياخويه
* وبعد انتهاء المباراه :
- هااااه الولد قلبي بيوجعوا هااااه
هاااؤااو
- والله مش عارف ده حصل ازاي
ده الحكم صحبي
- ههه وبتبص لتحت هااااه
- قال بقولك ايه ياكالديرون
انا عارف اني ندل وكداب ومليش وش
بس انت عارف الوحده الوطنيه والي بيقولوه عنا...!!
- قول عاوز ايه خلصني
- يعني كنت عاوز منك تدينا الواد نستروي ده
ده عامل عمايله وتعبنا
وبعدين دحنا اصحاب الدوري لسنتين فاتو
- اااااه فهمت
يبقى حبعتهولك في مسج ..
- مسج !!!!!!!!!!
- اااه مسج
- ( رساله صويته)..
( قوم اوقف وانت بتكلمني
عاوز ايه بص لي وفهمني
ولا تتكلم وانا بتكلم
الليغا راح الليغا ضاع
قوم اوقف وانت بتكلمني )


65165097
87079458
48133048
ويقال ان لابورتا قام بتغيير رقم هاتفه بعد انتهاء المباراه
بداعي ان ليغا كانت (تعاكسه) hehehe

.

.

تحيااااااااااااااااااات
المحقق كوناااااااااان



look/images/icons/i1.gif حوار بين لابورتا وكالديرون وقوم اوقف وانت بتكلمني ..!!
  13-06-2007 10:50 مساءً   [1]
معلومات الكاتب ▼
تاريخ الإنضمام : 09-03-2006
رقم العضوية : 51
المشاركات : 1,908
الجنس :
يتابعهم : 0
يتابعونه : 0
قوة السمعة : 10
تم شكره: 0
ههههههههههه
موضوع رآئع
مشكوووووووووور
متعودين على النصب

look/images/icons/i1.gif حوار بين لابورتا وكالديرون وقوم اوقف وانت بتكلمني ..!!
  25-06-2007 07:41 مساءً   [2]
معلومات الكاتب ▼
تاريخ الإنضمام : 10-01-2007
رقم العضوية : 1,221
المشاركات : 834
الجنس :
يتابعهم : 0
يتابعونه : 0
قوة السمعة : 10
تم شكره: 0
انا معلش بكره البرشا بس لعبهون جميل بس دائما الريال

اضافة رد جديد اضافة موضوع جديد



المواضيع المتشابهه
عنوان الموضوع الكاتب الردود الزوار آخر رد
فعلها لابورتا خلاااص .. هنري رسمياً برشلونياً .. بـ 24 مليون يورو .. لـ مده 4 سنوات The Rock
1 20 The Rock

الكلمات الدلالية
لا يوجد كلمات دلالية ..









الساعة الآن 04:49 AM