حوار مباشر بين الشباب والبنات | الصفحة 4

مش مشكلة نايس.. الموضوع أخد وقته وهللأ صار دور الشباب يجاوبوا عالسؤال التالي....
[/SIZE]
ليش الشب في الجامعة بيجي يطلب من البنت قبل الامتحان دفترها أو أوراقها لحتى يصورهم؟؟؟!!!! شو مافي بالدفعة شباب يطلب منهم وللا وحداني وما إله حدا؟؟؟!!

على كل حال السؤال للأعضاء الشباب من الجامعيين.. بس ياريت بردو اللي برا الجامعة يعطونا رأيهم بالموضوع...

[SIZE=6]ورجااااااااااااااااءً ولا بنت ترد قبل ما أفتح المجال أمام الصبايا... شكراً..

سؤالك رائع أخت سهر الليالي
انا رح جاوب بعد ما يجاوبو الشباب لانو انا ما درست جامعه

سهركلامك صحيح وظاهره موجوده وظن انه فراس حكي بمنطقيه وشموليه ...

انا فعلا ما كنت اعرف ادرس من نسخه مصورة . ابدا لذا كنت اتحاشي اي نقص في دفتري حتي اني كنت اكتب شغلات او مواقف تصير جوا المحاظره
وكنت اربطها بالموضوع وتذكرني في اوقات الشده كلام الاستاذ او معادلة او من هالقبيل...... وكتير دفاتري كانت تتصور وخصوصا انو اذا نقصت اكملها في البيت من شان عند الفاينل يكون بخط ايدي موش تصوير.

برغم اني كنت اتعرض لها المواقف كتير خصوصا اني كنت اسافر وتروح علي محاضرات .وطبيعتي ما بحب ولا بقدر اطلب من حدا شي
كنت ادرس المنهج من كتاب بمساعدة خارجيه تغنيني من اني اطلب من فلان او فلانه ..... ولاكن كنت استعين ببعض البنات الاقرباء او الصديقات القريبات مني تطلب دفتر فلانه من شان يكون من طيب خاطر مو احراج بنت ل بنت حتي اتفادي اي احراج او موقف بايخ او جميلة هاد لما اوصل للضرورة . فعلا ماراح اطلب من شاب وخصوصا انو دفاتر البنات اكثر ترتيب طبعا مو كلهم..

برضو هاي اضافه مني سهر: فيه شباب بيستخدمو هاي الشغله من شان تكون وسيلة انو يزبطها او يحكي معها ويفتح باب لعلاقه ويتعرف
طبعا مو كل الشباب ولاكن هاي وسيلة البعض وهيني كشفتلكم سر من اسرار الشباب ودهائهم فبدكم ديرو بالكم وتفهمو الشخص يلي بطلب شو قصدو

بختصار: ربما نعلم كشباب ان البنات اكثر حضور وكتابه وترتيب من الشباب من شان هيك الواحد لما يطلب اكيد بكون ببحث ع الافضل ...

يعطيكي العافيبه سهر

حلو كتير... كلام جميل وموزون.. وبصراحة.. كبر راس البنات كتير بعد هالحكي... ههههههههههههههه...

يللا شباب مين حابب يحكي بالموضوع؟؟ وين الماتركس؟؟

معكم مجال لبعد بكرا المسا بعدين رح أفتح مجال للصبايا...

ولا حدا كمان من الشباب حابب يبدي رأيه... مش مشكلة معناتو رح ننقل المايك للصبايا...
[/size]
ورح أكون أنا أولهم..

بالنسبة إلي... تعرضت لهالموقف كتير بسنة أولى.. بس بعدين بطل حدا يطلب مني إيشي لإنه ببساطة خطي مخيف.. هههههههههه.. مع إنه دفاتري والله مرتبة بس خطي في مشكلة صعب إنه ينفهم..

أنا بحترم كل شب بطلب هالطلب من البنت لما يبين عليه عنجد إنه تبع دراسة وحابب يستفيد.. بس مع الاسف زي ما قال نايس في شباب بستغلوا هالشغلة لحتى يتقربوا من بنات دفعتهم.. أو حتى بنات من كليات تانية إذا كان في مساق مشترك...

والبنت طبعاً بتنحرج في معظم الأحيان وبتضطر تعطيه وتتفق معه على لقاء تاني لحتى يرجعلها اياه فيه...!! والله أعلم إذا رح يصير ورا هالموقف صباح الخير.. شو أخبارك.؟؟ كيف عملتي...............

وللا شو رأيكم بنات؟؟ يللا إجا دوركم...



[size=6]

كتير سهل الواحد يميز اللي بحكي جد عن اللي بتخوت و هدفو يتسلّى و يطق حنك.......
بس و الله بصير فيها احراج....... انا بالحالتين بعطيه دفتري اذا كنت بقدر الا اذا خطر على بالي حجه مقنعه اتحجج فيها.(في حالة كان بتسلّى)....
و للملاحظه عنا كتير بنات مع البنات مش مناح و لئيمين و مع الشباب مناح... فأكيد كمان في عالم الشباب في شباب مش مناح او ما بحبو يخدمو فبضطر الواحد يطلب من بنت.... فالوحده فينا لازم تكون نيتها و هي بتعطيه اعمل الخير مش تقوية العلاقه مع هاد الشب..
" و انما الاعمال بالنيات و لكل امرئ ما نوى",,,,,

انا صحيح مو طالبة جامعه طالبة مدرسة لسا هههههههههه صغتورة بس لما كنت ادخل مراكز وهيك كانوا ياخدو مني دفاتري سواء صبايا وشباب وانا عادي اعطيهم لانه ما شا لله ال يعني ال دفاتري مرتبين هلأ المهم
لازم يكون في تعاون بين الطلاب من كلا الجنسين لانه لازم الواحد يعمل خير ولو شي بسيط وانه رح تخلي الشخص الي ماخد دفترك يستفيد لانه في يوم من الايام يمكن تمرضي يصير ظروف ورح يكون لازم ناخد من غيرنا دفتره او شي مشان يتوضح النا لانه الكتاب ما بكفي لازم يكون شي مساند اله ...
وكمان انتي اذا حسيتي هالشب بده بس مشان يتسلى او يعمل صحبة او شي معك بهذا الوقت انتي بتقدري توقفي عند حدو والبنت الي ما بدها تعمل صحبات مع شباب ما في حد بجربها تعمل هاي الصدقات ..
وكمان لما شب ياخد من شب فالشب رح يحملو مليون جميلة وشو صار بدفتري وكيف دفتري والله اعطيت دفتري لفلان وما بعرف شو وما رح يعطيه بالوقت المناسب اما البنت رح تعطيه ويمكن لو معها الدفتر بتقلو اتفضل لانها رح تنحرج وبتعرفو احنا الصبايا دايما مرتبين دفاترنا ,
وكمان لما بنت تطلب من بنت مو دايما بعطن فيعني اللئم موجود عند الجهتين وانت لما تطلب من واحد ما بتعرفو بعطيك وما بقول شي اما الي بتعرفو بحملك مليون جميلة مشان هيك........
وبس هذا رايي ويعطيكم العافية

يعطيكم ألف عافية جميييييعاً
هلء شفت الموضوع وعلى سؤال سهر

بكون هناك خيارين
يا إما عنجد انو بس قصدو دراسي بحت وبدو دفتر مرتب حتى يدرس منو (وهدول قلال)
او انو حابب يتعرف عليها او انو يصير حكي بينهم فباخد شغلة الدفتر حجة

عندي بدفعتي ما في متل هيك شغلات نوعا ما
يعني كلنا هال اكم من واحد ووحدة !!!
وفي عنا شب ما شاء الله بكتب كل كلمة بقولها الدكتور وكل كلمة ما بقولها
فكتير مرات قبل الامتحان بتصور دفترو وبتوزع على الكل

سهر ممكن اطرح سؤال لاني شايف انو الصبايا ماطرحو شي
ياليت تاخدي الميكرفون منهم واعطيني اياه يسعدك ربي ياسهر
الكم اسبوع ما سكينه ومش عم تحكو شي. هههه