حوار مباشر بين الشباب والبنات
سؤال وجيه أنسة سهر.......
هلأ ..أول شي مو كل الشباب
أنا طالب جامعة سنة رابعة......وما بحب اصور وراق ودفاتر....لا من شباب ولا من بنات ...هيك بطبعي....ما بعرف ادرس من التصوير اصلا
عشان هيك بحاول ما بغيب عن ولا محاضرة.........
بس الظروف مرات كتير بتحكمك .......
هلأ لما احتجت اني اصور مادة...(بذكر اسمها معادلات تفاضلية)...كان بدي صور تقريبا شابتر كامل...فتشت عأغلب دفاتر..الشباب اللي بعرفهم.واللي كانو ياخدو معاي...ماشاءلله عليهم ((نرنيب شو وخط شو ....بجنن...يعني بدون تصوير يا دوب مستحيل يتقرأ)) ..فكيف بعد ما يتصور..
في حين انو اغلب الصبايا دفاترهم ماشاءلله عليها ...في منهم بيستاهلو دفاترهم ينعملو لوحات قد ما بتتفننو بالكتابة ..
وفعلا كنت الاحظ صبية بتاخد معنا ....بتكتب بأربع الوان وخطها كتير مرتب...ولما قررت اخد دفترها كمان ما طلبتو مباشرة ...(بعتت ناس طلبولي اياه).......شفتي كيف للضرورة احكام ........
كمان شغلة......أنو الشب عالشب عينو اقوى ....يعني باجي انا مثلا بقول..لسين من صحابي.,....بدي بكرا تجبلي دفتر كزا أو الأسئلة تاعين المادة كزا ......بيجي اليوم التاني....الشب سين اصلا بكون ناسي...ومش متذكرك نهائيا ...وما بستحي انو يقولك نسيت ..واذا جاب بكون غلبك وقلعتك..اما لما تطلب من بينت شغلة ...(انا هاي لاحظتها بعيني)...بتعاملك احسن من الشب....البنات بطبعهم....احسن من الشباب بهاي المواقف.وما بحملوك جميلة...وما بتنسى..وهيك انت ما بتنضر.لا بالمادة ولا مع صاحبك سين ..
يعني هلأ بعد تلت سنين بالجامعة....بقدر اقولك ...أنسة سهر..كلامك صح وفي منو....يعني أنا اذا احتجت شي....دفتر ولا أسئلة....طبعا اذا كان بقدر اجيبها من الشباب بنفس ال (quality ) بجيبها منهم ..........بس غالبا ...ما بتقدر..تحصل عنفس الجودة.....وثبت ذلك عمليا من خلال مواقف واجهتني...
بعرف طولت ولتيت وعجنت كتير بس حابب احكي هالموقف..
كان يا ما كان ....
في مرة من حوالي 7 اشهر....كان عندي تلات امتحانات فاينل بنفس اليوم ......طبعا القانون بقول اذا بدك اجل واحد وانا عملت هيك
هلأ لازم اعمل انكمبليت ...صح ......ومن باب الأحتياط احسن ما الدكتور يعيد نفس الأسئلة ..الواحد بحاول يجيب الأسئلة من الطلاب اللي قدمو ...
بعد الأمتحان الأصللي...طلبت من 6 طلاب شباب صحابي انهم يكتبولي الأسئلة ويجيبولي اياهم في اليوم التااني...وكمان طلبت من طالبتان بس نفس الطلب............طبعا اجا اليوم التاني زي ما كنت متوقع ....ولا شب ولا شب جابلي طلبي(( أنا عذرتهم عندهم كان امتحان تاني ...بس الشغلة كلها بدهاش اكتر من 5 دقايق))...في حين ان الزميلتان ..جابولي..اياهم(( الله يوفقهم))...ومن حسن حظي اجا منهم مجموعة اسئلة .......
طب بعد هادا الموقف.....
مين احسن تطلب من الشب ولا من البنت ...
