من أنتم ايها المجرمون ؟؟؟

نعم ارحلو عنا
لقد مللنا من كلامكم واتفاقاتكم
لقد مللنا من تحدياتكم لبعضكم
عار ثم عار ثم عار عليكم

يا من بعتم دماء الشهداء

يا من بعتم دماء الرنتيسي والياسين
ودماء الكاسر الياسر

لماذا لا يتم الاتفاق على تهدئة الا بعد ان يطلق النار على موكب هنية او ابو مازن
وشو ذنب المساكين اللي بروحو من كبار السن والاطفال
انا لا اتكلم عن اي واحد قد يقتل
فهو يحمل السلاح بوجه اخيه
وحرمة دم المسلم على المسلم عند الله اعظم من هدم الكعبة
عفوا ..
لقد نسيت انكم بعتو ضمائركم ايضا ودينكم

كفاكم
كفاكم يا ..........

أحمد الله اولأ انني لم انتخب أيا منهم الأثنين...........
ثانياً.....كتبت ولمن تكتب ياعزيزي نضال !!!......
أعرف ان الدماء التي تسيل بغزه تفجر الغضب بداخلك ....ولست وحدك أيضا
فكل إنسان شريف غيور على وطنه يتمزق من الداخل ألف مره على هذه الاحداث المؤسفه......
ولكن يتضح لنا ان من في المناصب والمراكز نسو او تناسووو ان هنالك شعب يقتل يوميا جراء خلافات مناصبهم ......
دم المسلم على المسلم حرااااااام (((( القاتل والمقتول في جهنم وبئس المصير ))))
الأن وليس غداً......سأقولها معك يا صديقي......
فأنا ابن فلسطين اولاً وأخيراً ولن اهتف بغير اسمها (( لا لحماس ولا لفتح ))
وكفانا شعارااااااااات .......

تحياتي لك نضال .........

..البدر..

حسبنا الله ونعم الوكيل .......عجز السان عن الكلام........فماذا نقول لقد اصبحنااضحوكه للعالم اجمع هاذا الشعب الذي كان العالم يتحدث عن بطولاته وتضحياته اصبح الان يتحدث عن اقتتاله الداخلي عن اقتال الاخوه...حسبنا الله حسبنا الله

نضال
يسعد مساك حبيبي او صباحك
نادي اذا اسمعت حيا ولكن لا حياة لمن تنادي ..
يعني
حط في الخرج وانسا
ويعني لا تعصبوا
لانه هالشعب. اتعود على ..... فما النا غير الصبر
وجل الشكر

اخواني.....
انا لا انادي احد ولا استعطف احد... انا اطالبهم بالرحيل عنا ...ولا اريد منهم شيء... فليذهبوا للجحيم هم وكراسيهم

و لو راح هنيّه و عباس شو رح يصير يعني؟؟!!!
و لا اشي جديد!!! ما تنسو انو اللي عم بقتل و عم بتقتّل هو من الشعب نفسو,,, يعني مش بس القيادات,, اللي سميتهم انت رجال هنيه و رجال عباس مهم من الشعب,,,,
المشكله عنا صارت انو الفرد لما ينتمي لحزب معين ما بنتمي لأنو مع مبادئ الحزب,, يمكن لو تسأل اغلب اللي من حماس او اغلب اللي من فتح انتو ليش فتحاويه او ليش حمساويّه,, ما رح يعرفو يجاوبو,,,,
يمكن هو حمساوي او فتحاوي لأنو ابوه هيك, يمكن لأنو مستفيد ماديا من هادا الحزب يعني بالآخر كلها اسباب لمصلحته الشخصيه مش لمصلحة وطنو,,, اللي بدي اوصلو انو كمان المشكله بالشعب و المواطن المقهور ,, مش بس بالقيادات,,,,

شوفو انا هلا حبيت احكي
بلا عباس بلا هنيه
شو يعني مين كانو هما كلو على الكراسي يما بتقاتلو شو ها الحكي الفارط هيني بسمع وبشوف اخبار الله يخزيهم خزونا الله يكسر بخاطرهم أخ احنا الي نتخبناهم أحنا كان الغلط منا انا لهلا مش ماكل
اسمعو وخدو مني ان شاء الله بتنقلب الدنيا على روسهم كلهم ويلا خاي ابو هنيه يقلب الطاوله وطز با الحكومه وخلي الدنيا تتشقلب زي العجين وخلينا نرجع لزمن اليهود علي الطرباش لو يرجعو اليهود على ها البلاد أرحم النا بكفي كل واحد بنضب بدارو ما بتخنفس ولا بحرف ولا بكلمة واذا كان زلمه يفتح نيعو بكلمة بلاقي أجلكم الله الصرماي بنيعو بتنحط
طيب هدول (*******) بقاومو من جهة والفئه الاخرى (********) بتقاتلهم من جهة أخرى واليهود بتقاتل الفئه الاولى شو بدنا نحكي ما بانت زي عين الشمس بكفي حكي فارط وبكفي لعب من ورانا عاد
بجتمع(*******) مع العاعزل الاردني (**********) الله يحرقو بعديها الله لا يوريكم شو الي بصير بتقوم الدنيا على روسنا
أخ بس الله يرحمك يا ابو عمار الله يرحمك يا ياسين الله يرحمك يا رنتيسي الله يرحمهم
ملاحظه:الفراغات التي لم تملا انا حطيتها عشان ما أكون مع أي حزب
والي بقرا رح يفهم

حسبي الله ونعم الوكيل
----------------------

نضال
انت قد كتبت ما يدور في قلب وعقل كل فلسطيني
فعلا قد بلغ السيل الزبا
ولم يعد مجال للسكوت
ولكن كما قال جعجبان
قد اسمعت لو ناديت حيا.. لكن لا حياة لمن تنادى
حسبي الله ونعم الوكيل

عزيزي نضال اشكرك من اعماق قلبي لطرحك الرائع لقد ضربت علي الوتر الحساس

جميل ان نسمع اراء اعضاء منتداي وجميل ان نضع النقاط علي الحروف فالهم همنا نحن والمصاب مصابنا نحن
جميل ان نعيد حساباتنا ونظرتنا وتقيمنا نعم .نحن ابناء فلسطين فلسطينيوووووووووووووووووووووووووووون

لا حمساويون ولا فتحاويون ولا جهاديوون ولا تحريريون ولا ولا ولا ولا
نعم هذه الحزبيات ومن حين رأيت تغلغلها واستفحالها بين ابناء الشعب الفلسطيني لم اطمئن نحن منقسمون
تشتتنا بعد ان كنا كتله واحده اخوه نحب بعضنا بعض اولوياتنا فلسطين وكل فلسطيني . فرق بيننا المحتل
ونجح في تقسيمنا كأحزاب وايضا قسم الاحزاب الي منشقيين وقسم المنشقين الي مستقلين وهكذا
الي ان نخر السوس في وحدتنا . ولاكن من هنا اقول ان
الصراع القائم ما هوا الا صراع مصالح ومناصب لا صراع الشعب ابدا فلو كان صراع شعب لكان رئينا في الضفه
ما نراه من قتل في القطاع ولاكن والواضح والجلي هوا اثبات الوجود في منطقة القياده السياسية غزه.
فلا اصل لخلافنا وحبنا واحترامنا ووحدتنا كشعب. نعم ابن فتح هوا ابن فلسطين وابن حماس هوا ابن فلسطين
ولاكن ما حدث فتنه فتنه ورأها اصابع خفية تعمل لصالح جهات جلية ..... كم اعجبني الدكتور عبد الستار قاسم الكاتب والاستاذ في جامعة النجاح الوطنية الذي يمثل الشرف الفلسطيني والكلمة الفلسطينيه للشعب الفلسطيني.

فلننطلق بأسم فلسطين من هذا المنتدي فلسطين نحن مو احزاب ولا حزبيون نحنو فلسطينيون
نحن متوحدون مجمعون بفلسطينيتنا واكبر دليل ارئكم في هذا الموضوع لن نختلف علي اجماعنا
بأننا في صراع سلطوي لا مجتمعي. يبقي علينا اظهار صوتنا للجميع نعم نحن من سطر للمجد والصمود
اجمل واعظم صورة للعالم اجمع نحن من يهابنا ويحسب حسابنا الكثير كفي ان تتغير صورتنا امام الاخرين
بسبب فئه صغيره...........نناشد اهلنا في القطاع النزول الي الشارع والاعتصامات كما هوا في لبنان
واقول اخيرا رب ضارة نافعه. كفانا الله شر الفتن

للاسف هذة وحدة عباس وهنية !!!!!!!!!!!!!!!!!!!!!!!!
يما اسمعنا منهم ابل ما ياخدو الكراسي انو بدهم مصلحة الشعب وعبارات كتيرة اسمعناها ابل ما ياخدو الكراسي ولما اخدو الكراسي ما شفنا منهم الا كل الظلم نسيو الشعب ونسيو كل الناس الشاطر الي باخدها الو ليش هيك ليش بدل ما نسمع قتلا من شعب فلسطين قتلا من اليهود ليش بنوجة السلاح على اختنا وشعبنا ولما يسمعو انو في جيش ما بنشوف ولا واحد من الي بحملو الاسلحة على شعبهم ؟؟؟؟ وين بروحو بختو ؟؟؟ احنا ما بدنا لا رئيس ولا حكومة بدنا نعيش في حرية واسقرار وامان بس للاسف ما في ولا شي من هدول واحنا ما بدنا وحدة عباس وهنية بدنا وحدة شعب كامل بس مش بطريقتهم بدنا وحدة اننا فلسطينين وما بنتخلا عن فلسطين
المسجد الاقصى بهدمو اليهود وهنة بتنازعو من اجل الكراسي لنصرخ بكفي بكفي بكفي ما بدنا رئاسة ما بدنا حكومة بدنا امان واستقرار بدنا نعيش بحرية بكفي مشكور نضال على الموضوع