لمصلحة من ما حصل؟ | الصفحة 3

المشاركة الأصلية كتبت بواسطة: ابويزن تحيه لكل شخص يخاف على مصلحة البلد ولكن للاسف للاسف ان ما يطلق عليهم كتائب انما هما مجرد زعران لاينتمون الى هذه المدينه المنكوبه بشيئ ولو كان لدى اي شخص منهم زرة من الوطنيه لكانو هم الدرع الحامي لرجال الشرطه والامن لان ماتمر به نابلس اليوم هو من اسوا ماوصلت اليه هذه المدينه الحبيبه ويفضل ان ننظر الى من هم وطنيون بجد وكل هذه الاعمال انما تدخل في مصلحة العدو وليس احد اخر مع كل الاحترام لكل شخص قلبه على هذه المدينه الحبيبه

مش بالزبط يا جار...

صحيح في زعران بيتكلموا بأسم الوطنية و الكتائب.... بس أكيد في كتيير شرفا منهم سلاحهم مصوب باتجاه العدو فقط...

ابو يزن
الكل بيعرف مين الزعران بالبلد
وكلامك غريب عن الكتائب انهم زعران
لأنو الكتائب ما بدها شهادة من حدا
والكل بيعرف شو بتعمل الكتائب وقت الأجتياحات الأسرائيلية كل ليلة
واذا مش عارف يا ريت تنام ليلة بالبلد القديمة

والله يا شباب الموضوع فعلا بحاجة الى نقاش وايل بيريدج يسمع شو صار باضبط يقرا هالمشاركة

يا اخوان الحملة من يوم ما طلعت كان هدفها الاساسي ضبط الوضع وفرض الامن والنظام وهذا كان هدف الحملة وطبعا يدخل من ضمنها السيارات المسرروقة

ومسؤول الكتائب في البلد مهدي ابو غزالة وجماعته وقعوا على الحملة ورفضو استلام تصاريح بقيادة سارات مسروقة ومشطوبة والامر الاكثر اهمية انو الشرطة قامت بفغش سيارة ابن اخت مهدي ابو غزالة ولما اتصل عليه ابن اخته قله سعرك بسعر الناس مش احسن من غيرك انتا وحسب ما سمعت انها سيارة مشطوبة كان يودي ويجيب بضاعة عليها

الشباب في البلد كانوا من الاساس مع الحملة وتعاونوا مع الشرطة بس الي صار انو صارت الشغلة خيار وفقوس

مخصوم الشرطة اوله عند العمارة واخره عند المنتزه وطبعا سيارات بلاطة ولا سيارة مسروقة من بلاطة او تاكسي تم التعرض لها وهي ابو جبل وجماعته بيكزدروا بالبلد وما حدا بيحكي معهم ولا حتى الشرطة بتوقفهم ولا بتقلهم شو بتعملوا ولا واحد من شباب بلاطة والعين انسحبت منه سيارته

وبيطلعوا بيكزدروا وما حدا بيحك معهم

الي صار انو كانوا شباب مطاردين بالسيارة رفضوا يوقفوا تقاتلوا مع الشرطة وطخوا على بعض وايل صعد المضووع وانا شفت بعيني جماعة ابو جبل ومعهم ابو جبل نفسه كان يطخ على البلد وكان يطلب من الشرطة يقتحموا البلد وجماعته كمان معهم و
وليلتها شباب بلاطة قاعدين على الدوار على ضحك ومسخرة

هذا الي حصل وول كان اصلا فيه حملة مزبوطة وحملة صحيحة كان يجب ان تقف عند حدها من زمان

وللعلم خرجوا شباب البلد العاقلين بدهم يصلحوا مع اشلرطة طخوا عليهم ابو جبل وجماعته

لم استطع ان لا اعقب رغم انني اتخذت عهدا على نفسي ان لا اخوض بنقاش ولكن تغلب الدم الفلسطيني على عهدي

المشاركة الأصلية كتبت بواسطة: نابلسي بجد نحن الآن على مفترق طرق... إما الفلتان لفترة طويلة... و إما النظام و سيادة القانون... فماذا سنختار؟

أخي العزيز نابلسي بجد والحكي للجميع
نحن لا نقف على مفترق طرق .. نحن نجاوزنا هذا المفترق ولكن للاسف تجاوزنه للأمام و سقطنا في الهاوية التي هي امام هذا المفترق بدليل نقاشنا هذا الذي منكم من يخون ذاك ومنكم من يخون الاخر

نعم لقد وصلنا للحضيض جميعنا "" رئاسه...حكومه...مقاومة...شعب"" جميعنا ولا استثني نفسي

لا حول ولا قوة الا بالله
مشكووور نابلس بجد على الموضوع

المشاركة الأصلية كتبت بواسطة: ابويزن تحيه لكل شخص يخاف على مصلحة البلد ولكن للاسف للاسف ان ما يطلق عليهم كتائب انما هما مجرد زعران لاينتمون الى هذه المدينه المنكوبه بشيئ ولو كان لدى اي شخص منهم زرة من الوطنيه لكانو هم الدرع الحامي لرجال الشرطه والامن لان ماتمر به نابلس اليوم هو من اسوا ماوصلت اليه هذه المدينه الحبيبه ويفضل ان ننظر الى من هم وطنيون بجد وكل هذه الاعمال انما تدخل في مصلحة العدو وليس احد اخر مع كل الاحترام لكل شخص قلبه على هذه المدينه الحبيبه

والله يا ابو يزن انتا حكيت عن الكتائب بس الكتائب كلها شرفاء بس في اكم جاسوس للاحتلال ما بدو النظام والكتائب لو انها زعران كان ما دخل الجيش كل يوم على البلد واقتحم بيوت واعتقل شباب وشباب ضحو في ارواحهم من اجل البلد هدول مستحيل نحكي عنهم زعران

المشاركة الأصلية كتبت بواسطة: رائد والله يا شباب الموضوع فعلا بحاجة الى نقاش وايل بيريدج يسمع شو صار باضبط يقرا هالمشاركة

يا اخوان الحملة من يوم ما طلعت كان هدفها الاساسي ضبط الوضع وفرض الامن والنظام وهذا كان هدف الحملة وطبعا يدخل من ضمنها السيارات المسرروقة

ومسؤول الكتائب في البلد مهدي ابو غزالة وجماعته وقعوا على الحملة ورفضو استلام تصاريح بقيادة سارات مسروقة ومشطوبة والامر الاكثر اهمية انو الشرطة قامت بفغش سيارة ابن اخت مهدي ابو غزالة ولما اتصل عليه ابن اخته قله سعرك بسعر الناس مش احسن من غيرك انتا وحسب ما سمعت انها سيارة مشطوبة كان يودي ويجيب بضاعة عليها

الشباب في البلد كانوا من الاساس مع الحملة وتعاونوا مع الشرطة بس الي صار انو صارت الشغلة خيار وفقوس

مخصوم الشرطة اوله عند العمارة واخره عند المنتزه وطبعا سيارات بلاطة ولا سيارة مسروقة من بلاطة او تاكسي تم التعرض لها وهي ابو جبل وجماعته بيكزدروا بالبلد وما حدا بيحكي معهم ولا حتى الشرطة بتوقفهم ولا بتقلهم شو بتعملوا ولا واحد من شباب بلاطة والعين انسحبت منه سيارته

وبيطلعوا بيكزدروا وما حدا بيحك معهم

الي صار انو كانوا شباب مطاردين بالسيارة رفضوا يوقفوا تقاتلوا مع الشرطة وطخوا على بعض وايل صعد المضووع وانا شفت بعيني جماعة ابو جبل ومعهم ابو جبل نفسه كان يطخ على البلد وكان يطلب من الشرطة يقتحموا البلد وجماعته كمان معهم و
وليلتها شباب بلاطة قاعدين على الدوار على ضحك ومسخرة

هذا الي حصل وول كان اصلا فيه حملة مزبوطة وحملة صحيحة كان يجب ان تقف عند حدها من زمان

وللعلم خرجوا شباب البلد العاقلين بدهم يصلحوا مع اشلرطة طخوا عليهم ابو جبل وجماعته

أنا اللي شايفكم مجمعين عليه هو زعرنة أبو جيل و جماعتو و شغلة الخيار و الفقوس...

أكيد الحملة مش كاملة... بس الناس ما صدقت تيجي...

و بعدين بالنسبة لشباب البلد الشرفاء... أكيد ما جد بيزايد عليهم و احتمال وارد جداً إنو يكون أبو جبل هو اللي صعد الموضوع...

بس كنا بنتمنى إنو حد يطلع من شرفاء الكتائب و يشرح للناس شو صار بالزبط علشان ما تختلط الأمور...

المشاركة الأصلية كتبت بواسطة: نضال لم استطع ان لا اعقب رغم انني اتخذت عهدا على نفسي ان لا اخوض بنقاش ولكن تغلب الدم الفلسطيني على عهدي



أخي العزيز نابلسي بجد والحكي للجميع
نحن لا نقف على مفترق طرق .. نحن نجاوزنا هذا المفترق ولكن للاسف تجاوزنه للأمام و سقطنا في الهاوية التي هي امام هذا المفترق بدليل نقاشنا هذا الذي منكم من يخون ذاك ومنكم من يخون الاخر

نعم لقد وصلنا للحضيض جميعنا "" رئاسه...حكومه...مقاومة...شعب"" جميعنا ولا استثني نفسي

أولاً شكراً على مشاركتك أخي....

ثانياً شايفك كتيييييييير متشائم... يعني صحيح الوضع سيء جداً و هذا أمر لا ننكره... إلا أن إمكانية إصلاح الأمور ما زالت قائمة... لكنها بحاجة لوقفة من العقلاء

المشاركة الأصلية كتبت بواسطة: ميدو المشاكس لا حول ولا قوة الا بالله
مشكووور نابلس بجد على الموضوع

بيعين الله أخي ميدو...

شكراً عالمشاركة...

المشاركة الأصلية كتبت بواسطة: المجروح والله يا ابو يزن انتا حكيت عن الكتائب بس الكتائب كلها شرفاء بس في اكم جاسوس للاحتلال ما بدو النظام والكتائب لو انها زعران كان ما دخل الجيش كل يوم على البلد واقتحم بيوت واعتقل شباب وشباب ضحو في ارواحهم من اجل البلد هدول مستحيل نحكي عنهم زعران

كلامك صحيح أخي المجروح...

و عمرها الشمس ما تغطت بغربال...

انا من وجهة نظري اللي بيحصل مؤامرة على نابلس وأهلها
مع احترامي للجميع انا شاهدت اكتر من سيارة مسروقة مرت من امام الشرطة
بأكثر من منطقة على الدوار وفي رفيديا
ولم يتم توقيفهم ... لأنهم طبعا واصليين وجماعة قائد الحملة الامنية وهو المعروف بالطيراوي
وهدفه من الحملة مش قصة سيارات من وجهة نظري ... هدفه بسط سيطرته على نابلس واهلها وكتائبها
بإسستغلاله الشرطة واجهزة لامن .....
لماذا لا يكون قائد الحملة الامنية من نفس نابلس
لماذا لا يكون مدير الشرطة واجهزة الامن الاخرى من نابلس
لماذا لا يكون حتى المحافظ من نابلس
المفروض انها نابلس يستلموها اهلها
وكما يقول المثل أهل مكة أدرى بشعابها
وتحياتي للجميع

كلامك سليم اخي Mecho ليش ما يكون المحافظ من نابلس
يعني يعرف الناس والناس تعرفوا
يعني بكل العالم المحافظ لازم يكون من نفس المدينة
عمركم شفتوا مختار قرية بيكون من قرية تانية؟؟