وأخيرا افتتاح الكفتيريا في الحرم الجديد

في كفتيريا بالعلوم قيها كراسي و طاولات....
انا كمان وصلني الايميل...
بس وين هاي الكفتيريا اللي بحكو عنها؟؟!! و وين بدهم يعملو مبنى المكتبه؟؟

الكفتيريا اللي بحكو عنها موجودة بين كلية الهندسة وكلية الفنون

والمكتبة اللي بدهم يحطولها حجر الاساس بتكون شمالي كلية الفنون مباشرة

اقتبـاس ،، في كفتيريا بالعلوم قيها كراسي و طاولات....

كلية الهندسة ما فيها كراسي أو طاولات....بنضطر نخرج برا أو ناكل على الدرج

افتتاح قاعة الكفتيريا بالحرم الجديد....
[/SIZE]
أكيد رح تكون حلوووة كتيييير..

أنا لقيتها كبيرة وواسعة وقريبة عالكافيتيريا اللي بالجامعة القديمة...

مشكوووور ibro عالمشاركة الحلوة
[SIZE=2]

يا سلام!

من زمان موعودين بهالحكي... يالله إن شاء الله خير....

و عقبال المكتبة...

مشكور عالموضوع
انا اليوم زرتها حلوه كقعدة وديكور
بس المهم الاكل يكون زاكي خلص بكره منجرب الاكل وان شا الله يكون زاكي

انا برضو اليوم رحت شفتها
كتير حلوة وكبيرة وديكورها حلو
بس زي ما حكت رشروش المهم يكون الأكل زاكي :d

شو هالفياعة؟ ما شاء الله يخزي العين... حلوة كافتيريتنا!

بس إن شاء الله تضل حلوة... و يكون أكلها بيتاكل... مش زي الكافتيريات المؤقتة... كانت عذاب...

احتفلت جامعة النجاح الوطنية بوضع حجر الأساس لمبنى مكتبة الجامعة وافتتاح الكفتيريا في الحرم الجامعي الجديد.

وقد قام كل من صلاح المصري، رئيس مجلس أمناء الجامعة، والأستاذ الدكتور رامي الحمد الله رئيس الجامعة بوضع حجر الأساس لمبنى المكتبة الجديدة كما قاموا بافتتاح كفتيريا الجامعة، بحضور عدد من أعضاء مجلس أمناء الجامعة، ورئيس بلدية نابلس، ومندوب مؤسسة التعاون، وعدد من ممثلي المؤسسات الرسمية والشعبية، وأعضاء المجلس التشريعي، إضافة إلى أعضاء الهيئتين التدريسية والإدارية في الجامعة.

وخلال جلسة الافتتاح التي تمت في مسرح الأمير تركي بن عبد العزيز استعرض الدكتور نبيل علوي مدير دائرة العلاقات العامة الإنجازات التي حققتها الجامعة وخاصة بناء هذا الصرح الأكاديمي العريق، والذي سيتم إضافة أنجاز آخر إليه وهو افتتاح كفتيريا الجامعة والتي بوشر بإنشائها في عام 2005 ضمن خطة مرحلية تشتمل على قاعة كافتيريا بمساحة إجمالية حوالي 1500م2 تتسع لحوالي 1000 طالب ومطبخ يشمل أربعة أجزاء بالإضافة إلى غرف إدارية وخدماتية ومصاعد وممرات وعدد من المحلات التجارية، ومساحات وتراسات وأدراج بمساحة إجمالية 5000م2.

إضافة إلى وضع حجر الأساس لمكتبة الحرم الجديد بمساحة 7044 متر مربع والتي ستكون مكتبة علمية متخصصة تهدف إلى خدمة البحث العلمي في كليات الحرم الجديد والتي بلغ تعدادها حتى الآن 10 كليات وهي كلية الطب، كلية الصيدلة، كلية الهندسة، كلية تكنولوجيا المعلومات، كلية التمريض، كلية البصريات وكلية العلوم بالإضافة إلى كليات الفنون الجميلة والقانون والدراسات العليا.

وفي كلمته أعرب صلاح المصري عن شكره لإدارة الجامعة على ما أنجزته من مبان في الحرم الجامعي الجديد ليصبح معلم من معالم نابلس وفلسطين خلال ست سنوات، مرت خلالها الجامعة بظروف اقتصادية صعبة إلا أن إدارة الجامعة استطاعت أن تخرج بهذا الصرح العلمي ليكون منارة من منارات العلم والمعرفة ليخدم كافة قطاعات الشعب الفلسطيني.

وأضاف المصري أن الحاجة كانت ماسة لإنشاء هذا الحرم خاصة بعد ازدياد أعداد الطلبة يوما بعد يوم في الجامعة، داعيا الفلسطينيين والعرب إلى استمرارا لتواصل مع الجامعة لإكمال ما وصلت إليه الجامعة من تقدم في إنجاز الحرم الجامعي الجديد.

وهاي صورة لعيون الهنا

والله يا عمي كفتيريا مرتبه
يعني صار الواحد هلأ يلاقي مكان ينقل فيه الوظائف والتقارير
بدل ما يتبهدل وهو بشف فيهم
ههههههههههههههههه
مشكور ابرو على الموضوع

منيح الل افتتحو هالكفتيريا