ممكن استشارتكم

اهلا وسهلا فيك
واكيد راسم الليل هاد سؤال كتير مهم لانه بترتب عليه كل مستقبلك
ولازم تفكر كتير منيح
وانا من رأيي لازم تاخد بعين الاعتبار اكتر من نقطه
اهمها ميولك بالدراسة يعني انت منيح بشو مثلا يعني لو مش شاطر بالمواد العلمية نصيحه مني ما تفوت بمجال العلمي او لو مش منيح بالحفظ ما تروح ادبي
طبعا انت لازم تقيم حالك وتشوف واكي في التجاري وبتركز كل دراستك على العلوم المصرفية والماليه
والصناعة فيها تفؤعات كتيرة بس هي بالغالب عملي وفيها مجالات كتير منيحه متل الالكترونيات والكهربا اللي لو جبت فيها علامات عاليه ممكن تكمل هندسة كهربا ((يعني كأنك فتت علمي ))
وانا بدرس هندسه كهربا بالنجاح وفي طالب عنا كان صناعي ومستواه كتير منيح

الله يوفقك تختار الافضل الك
واتمنى لك التوفيق

بفهمش بالسياسة كتير

بس نصيحة ماتدرس شي انت مابتحبه

شوف ميولك وادرس لانك لما تكون بتحب المادة

رح تجتهد فيها

هاي نصيحة ببلاش وبكرة بمصاري

شكرا كتير كتير لك يا ابو يعيش للافادة
وشكرا مايا للرد بالمجان هههه

بس حبيت ارد اسأل

انا علاماتي بالتمنيينات ما عدا الرياضيات دايما اوطى علامة

انا خايف ازا رحت علمي ااكلها بالتوجيهي
يعني لو رحت ادبي بجيب فيه 99 عاد انا ما بحب الحفظ

بس بدي اسأل عالصناعي :
هو زي رياضيات العلمي والا لا ؟؟
ازا زيو الغي الموضوع هههه
طبعا انا رح انقي علمي بس ازا لقيت حالي مش منيح بحول ادبي
عاد حابب ادرس هندسة كمبيوتر بس اخخخخخخخخخخ عالمنهاج

وبدي اسأل
لو رحت ادبي وخلصت توجيهي شو فيه ادرس غير المحامي والاستاز والمحاسبة ؟؟؟

أهلا وسهلا اخي راسم الليل
هاي الشغلة بترجع إلك ولقدراتك
يعني متلا انت شو حاتط ببالك بالمستقبل تدرس اذا في تخصص معين حابه
وزي ما حكى ابو يعيش انو انت وين افضل بمواد العلمي او الأدبي

بخصوص رياضيات الصناعي انا ماجربتو بس على هوا ما بسمع انو اكيد اسهل من العلمي يعني صح نفس المادة تقريبا بس ما بتكون بزخم العلمي.
وبخصوص الفرع الأدبي بتقدر تدرس بأي كلية من الكليات الأدبية
يعني عندك كلية الآداب بمختلف تخصصاتها (لغات، علم اجتماع، علوم سياسية، علم نفس، تربية...)، كلية الاقتصاد، كلية الفنون، كلية المجتمع، كلية القانون...
اما الفرع العلمي فبتقدر تفوت أي كلية بالجامعة (طبعا لازم تجيب معدلها)

وموفق بدراستك وان شاء الله تختار المناسب إلك

اخي راسم الليل,,,
بالنسبه للصناعي الرياضيات فيه اكيد اسهل من العلمي,,, و انا برأيي انو كتير حلو للشباب خاصه اذا الواحد جاب في معدل عالي,, يعني ممكن يدخل هندسه او It و يتخصص البدو يا,, و ممكن مرات يطلع اشطر من طلاب العلمي, اما هندسة الكمبيوتر,و اغلب طلاب الهندسه سنه اولى بكونو بدهم كمبيوتر,, بس بعدين بس باخدو اشطر 40 طالب من عدد كتير كبير,, ان شاء الله تكون انت منهم,, بس هو كتير صعب لأنو بتكتشف انو المتفوقين في الدنيا كتير,,
كمان نصيحه انو"فرحة المعدل حلوه" يعني اذا انت مش ناوي على كليه علميه ما تدخل علمي اذا بدك تجيب فيه معدل واطي(للأسف الرياضيات أساسي) , و 99 بالأدبي حلوين,, بس المشكله بالكليات الادبيه انو الطالب اللي جاب 99 و الطالب اللي جاب 80 مجالاتهم زي بعض,, و قبل ما تدخل علمي تذكر انو اذا لا سمح الله جبت معدل واطي,, رح تدفع موازي, او يمكن ما يطلعلك اللي بدك ياه,,
و موفق,,,,بالأخر الدنيا حظ شو ما درست,و المهم الحياة العمليه تكون ناجحه,, هل ايام العلم والشهادات صارو بنباعو,,,

شكرا كتير لردكم

بس حبيت اسأل :
ال It شو بدها تخصص
انا سمعت انو ازا جبت من 80 وما فوق بالادبي بقدر اروح It
بدي تخصص اهرب فيه من الرياضيات لاني ماكل هوا فيه
بديش ازا رحت علمي بالواسطة ااجي بالتوجيهي اجيب 60
ال60 بالعلمي زي الزبال

انا سمعتها هاي الأشاعه انهم بدهم يقبلو it ادبي,, بس مش متأكده, و ما اظن لأنو فيها calculus و أشياء علميه كتيره,, فيعني اشاعه ما بتتصدق,,بس كل شي بصير هل ايّام,, و لهلأ ما سمعنا حد it كان ادبي,,
بس العلمي و الصناعي (بمعدل فوق ال 85 اظن) ممكن يكونو it, و بسمع انهم مش هاربين من الرياضيات,,

شكرا الك كتير زرقاء اليمامة لردك

بس حبيت اسأل سؤال وااسف كتير على اسئلتي الكتيرة بس انتو مارقين عالتجربة وبتعرفوا كيف :
فش فيه اشي الادبي حلو
يعني زي كمبيوتر او ستلايت والا كلو حكي فاضي ؟

لاا مو كلو حكي فاضي,,, الصحافه, والأدب التجاره,, حلوين,,,
اما كمبيوتر و ستلايات بالجامعه ما اظن في للأدبي , بس بتقدر تشوف بهشام الحجاوي,, يمكن في اشياء كمبيوتر و اشياء هيك بس بكونو سنتيتن,, و انا مش متأكده اذا في,,,

بس نصيحتي اذا انت ما بتحب الرياضيات و بتحب هاي الشغلات بتخيل الصناعي منيح,, في حالة انك تجيب في معدل عالي,,, لأنو بقدروا يدخلو هندسه, و it بس رح ترجع للرياضيات
طبعا اسأل ناس أخبر مني, بس انا هاد رأي, و انت بتقدر تقرر,, ما حد بعرفك أدّك,,

شكرا كتير يمامة لردك

وشكرا شكرا كتير للاخت الطائر الفلسطيني

سألت واحد صاحبي حكالي ازا رحت ادبي وجبت معدل فوق ال80 بقدر اروح it على كليه هشام حجاوي

بس انا رايح علمي واتوكل على الله