وين الراتب ... فش ...فش !!!!!!! | الصفحة 2

يعني شو المطلوب نضال
يخرج الموظف يغني ويرقص للحكومة ويقلها مو مشكلة رح اموت انا وولادي عشان بس الكرسي يضل تحتك وما يهرب منك
ما اظن انو في حدا بالعالم لا عامل ولا صاحب شركة او حتى صاحب بسطة صار فيه زي الموظفين
لكم يا عالم حرام عليكم 7 شهور الموظف ما اخد 20 او 25 بالمية من راتبو
ما تحكو ا بلسان الحكومة واتدافعوا عن باطل بحالوا يفضوا بس عشان الكراسي
حرام والله حرام
هما بشر وعندهم احساس ولما يشوفوا رمضان والعيد جاي وما معهم يجيبوا حاجيات رمضان اكيد رح يتدمروا
خلص اصحوا يا عالم

انا بتوقع خي نضال لو كنت موظف وبتعاني مثل ما بنعاني ما كتبت مثل هذا الكلام ما تقيس على الموظفين الي حواليك قول كيف بدو يصرف الاب الي عنده اولاد بالجامعة وبالمدارس وغيرالي برضع والخ؟؟؟؟؟؟ ربك ادرى بحالهم

يا اخ نضال حتى انت نفسك تاثرت بالموظفين
نسيت كم موظف باجلك باللي عليه
عينك بالناظر وضع البلد كيف كانت قبل 7 اشهر من قبل استلام الحكومة وكيف هلا
الوضع من سيء لاسوء
انا معك انو البطالة بدت ببداية الانتفاضة وكتر عمال خسرو شغلهم باسرائيل
بس لسا كان في شغل هون
هلا لا عم تعرف تشتغل ولا عم نعرف تاخدك حقوقك
هلا ينزل شهر للموظفين شوف كيف رح تنتعش البلد مش بس الموظف
انتا بتحكي عن بلد فيها كمية كبيرة من الموظفين وهدول الهم اثر كبير على اصحاب المحلات والتجار وكل شي
كان في وعودات وغيرو وغيراتو ولهلا ما شفنا اي شي

ورمضان جاي ومصروفو مضاعف مين بدو يسال فيه ولا بمصروف العيد
لا حول ولا قوة الا بالله
احنا شو بدنا غير تكون المصلحة للجميع ومش لفلان عشانو من جماعتي وفلان عشانو صاحبنا
...... رمضان كريم

مشكور ابوحميد
يعطيك الف عافية

أنا بأيد اخي نضال بالحكي اللي حكاه
لانها شغلة تدعو للاستغراب ..
يعني ما ظهر الإضراب إلا لما انقطع الراتب اللي بوصل عن طريق الحكومة .. او بالأحرى لانو المفروض انو يوصل من حومة حماس
انا ما بحكي انو مش من حق الموظفين انهم يحتجو على انقطاع رواتبهم بس لازم يعرفو شو النتائج اللي ترتبت على اضرابهم

مين المستفيد من تعطيل المدراس؟؟؟؟
مين المستفيد من تعطيل الدوائر الحكومية وتعطيل مصالح الناس ؟؟؟

ومن الملاحظ انو الإضراب صار ضد الحكومة .. مع انه الحكومة لا حول ولا لها ولا قوة (يعني لو كانت المساعدات عم توصل للحكومة والحكومة مانعة الراتب عن الموظف كان الإضراب من المؤكد في محله
كلنا منعرف انو الراتب قبل ما توصل الحكومة الحالية كان من المساعدات الخارجية وبدون هاي المساعدات ما كانت رح تقدر الحكومة السابقة على تقبيض الموظفين ...
ولكن من بعد انتهاء الانتخابات وفوز حماس في الانتخابات وتسلمها الحكومة قطعت المساعدات الخارجية .. فكيف رح تتتمكن الحكومة من ايصال الراتب للموظفين

أخي احمد وأخي ابو حميد .. اللي بسمعكم بفكر انو انو المساعدات الخارجية استمرت بالتدفق إلى الحكومة الحالية ولكنها تمنع الراتب عن الموظف !!!!!
ما في حد بكل العالم كان بتوقع انو حماس تفوز متل هيك فوز بالانتخابات منشان هيك قبل الانتخابات كانو بطالبو بانتخابات (ديمقراطية ) ولما اجت نتائج الانتخابات (الديمقراطية) مش زي المطلوب قرروا انهم يقطعو المساعدات الخارجية .. ومش بس السبب انو حماس فازت ..
كل العالم ما بدو التجربة الإسلامية انها تنجح بالمنطقة عنا .. لانو في حالة نجاحها هنا في فلسطين ممكن تنتقل إلى الدول المجاورة متل الأردن ومصر وغيرها وهذه الشغلة مش من مصلحتهم .. فكان اسهل شي منهم انهم يقطعو المساعدات الخارجية من اجل افشال مثل هيك تجربة ومثل هيك حكومة حتى تكون رسالة إلى كل الشعوب المجاورة انو لو انتخبتو الإسلاميين رح يصير معكم متل ما عم بصير مع الفلسطينيين .

وبالصور اللي وضعتها اخي ابو حميد .. في لافتة مكتوب عليها ( ان اضرابنا صرخة مدوية في وجه الظلم الدولي ) يا هل ترى الظلم الدولي رح ينتهي لما الموظفين يضربو وتتعطل المسيرة التعليمية والدوائر الحكومية ؟؟ يا هل ترى تحرك العالم تحرك جاد من اجل انهاء الإضراب ؟؟؟
وبما انه موجه ضد الظلم الدولي ليش ما صار في إضراب لما كانت تنقلع أشجار الزيتون ؟؟؟ ولما اغلقت العديد من المصانع والمحال التجارية ؟؟؟

وبرد وبكرر انو الظلم وقع على الموظفين وربنا يكون بعونهم ... وان شاء الله بالقريب العاجل تنحل مشكلتهم ... بس لازم يعرفو الموظفين مين اللي استفاد من اضرابهم ومن اللي اتضرر منه

ورمضان كريم

يا اخي الدكتور الاضراب لم يظهر الا بعد انقطاع الامل عند الموظفين من 6 اشهر وبستنو ومش عاملين شي
هلا بس صار الاضراب صارو يفكرو كيف يعالجو الغلط بالغلط
لما الموظفين بحتجو بطريقة سلمية بغزة وبخرج حراس الاخ الموقر هنية وبطلق النار عالموظفين وبصيب 5 منهم وين صارت هاي
لما كان الاضراب اللي بتحكي عنو يسير من زمان ما كان يستمر لانو الرئيس الله يرحمو يلبي مطالبهم ويقعد معهم ويفهم منهم

لما انا بحكي ببرنامجي الانتخابي انو عندي ما بكفيني مش لاربع سنين ل ثمان سنين
وين كل هاد الحكي

بلاش هاي يمكن موجود عندهم بس كلو لجماعتهم وانا باكدلك هاي النقطة

لما بتقول انهم بدهوش التجربة الاسلامية اي اسلام هاد لما بخونو الموظف وبخلوه متعاون وبوصفوه باحقر الكلمات لما بعلن الاضراب
ومن كفر مسلم فقد كفر

ولما ولما ولما


الله يعين العباد
يا جماعة الخير حطو حالكم محلهم

بس اخر نقطة انا بحكي لا اني موظف ولا اني مع الحكومة
بس بحكي بلسان الشارع
بحكي بالمعاناة اللي بعاني منها الجميع
ومش بس الموظفين
الله يكمل هالحال وييسر الامور ويكملها بالستر

...... رمضان كريم

مين انتخب الحكومة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشعب.......................................
رح يصير للاضراب شهر وما في اي نتيجة لانه ممنوع التعامل مع الحكومة
بس الضرر رح يرجع علينا احنا بكل الاحوال.
مشكلتنا الكبيرة انة مش قادرين نتوحد ولا رح نتوحد طالما جميع الاطراف غير مستعدة للتنازل هذا الشيْء بيسعد اسرائيل وبيخدم مصالحها
واحنا انسينا اهم شيْء في قضيتنا صار كل هم الشعب التموين والمصاري
اتذكروا قصة الرسول عندما قاطعتة قريش ومات المؤمنين من الاطفال والشيوخ والنساء والشباب من الجوع
احنا كفلسطينين واصر على فلسطينين يجب ان نقف متكاتفين مع بعضنا حتى تنتهي هذهالازمة
"عسى ان تكرهوا شيئا وهو خير لكم"
الله يعين العباد ويصبرهم
انا لا انتمي الى اي حزب بل انا فلسطينية انتمي الى فلسطين قبل كل شيء

يا اخت فله كل الاحترام
وقدوتنا الرسول اللهم صلي عليه

يمكن الموظف بقدر يجوع وبقدر يستغني عن اشياء كتيرة
وخلينا نفرض انو يجوع ولادو وما يقدر يجبلهم قوتهم اليومي
مين بدو يصبر عليه ؟؟؟؟؟
هناك مصاريف عادية يومية لا بد منها منها ماء وكهرباء
منها الحاجيات الاساسية للمنزل واكيد معظم الموظفين بمشو حالهم من البقالة القريبة من بيتهم
مين بدو يجبلو مصاريف الروضة
وانتو عارفين ماشاء الله ما اكترها صارت رياض الاطفال ومصاريفها صارت بدها توصل مصاريف طلاب جامعة
الدوا من وين يجيبو
انتي عم تحكي انو الشعب يموت من الجوع زي قصة الرسول عليه السلام

زمنا غير عن زمن الرسول
بكفي كان في كرامة للعرب كان في عزة وشهامه
كان الرسول صاحب الكلمة الاولى والاخيرة
كل يوم عم يطلع عالتلفزيون واحد بحكيلو كم كلمة بعمل حرب اهلية

كل شي صرنا بنحكي الاحتلال
عيشتنا لا بتسر صديق ولا بتسعد عدو

بس النا الله
وخدوها مني محدش بدو مصلحة هالشعب
الكل بدو مصلحتو واللهم نفسي
ودير بالك عالكرسي بلاش يهرب منك
لا حول ولا قوة الا بالله

انا ما بحكي انكون نفس الرسول بس انا بطلب انو نتوحد
بكفي فرقة.الله يعين العباد ويصبرهم على مصابهم
وما بعد الشدة الا الفرج ان شاء الله

الاخ أحمد أبو حميد من المستفيد من الوضع ....
المستفيد هو الاحتلال ومن طارت كراسيهم بالانتخابات
اما من يتشبث بالكراسي فهم من طاروا ويريدون العودة باي طريقة كانت ...
احسبها معي... مليار ونصف المليار دولار يوجود في صندوق المنظمه.. ومن يتحكم في نقود المنظمة .. الي طاروا عن الكراسي... يكفي هذا المبلغ عام كامل للموظفين ... ولكن يمنع الاقتراب منه لماذا لان هذه الاموال اموال المنظمة وهي ليس ملك للشعب ولكن .........
فلو ارادت الرئاسة وهي ايضا منتخبة .. وهي ايضا مسؤوله عن الشعب... وهي التي تمثل تنظيم المعارضه... فلو اراد من طاروا عن الكراسي وليس الجاليسين عليها انهاء الازمه لفعلوا ولتم صرف الرواتب من صندوق المنظمة الذي اساسا هذه النقود للشعب الفلسطين وليس لتنظيم معين...
انهم يريدون العودة الى كراسيهم باي طريقة حتى لو تحالفوا مع الشيطان
.. بالنسبة لاطلاق الرصاص سيد احمد على الجمهور ولم تقع اصابات ..
شكلك نسيت كم شخص قتلت وعذبت واعتقلت الحكومة السابقه .. فلا تجعل من اطلاق رصاص في الهواء لتفريق مظاهرة سدة طريق رئيس الوزراء مشكلة ... كان من الاجدر حماية رئيس الوزراء
وليس التعرض له
......................للمعلومات فقط...................................
تم صرف رواتب الموظفين من صندوق المنظمة عددة مرات ايام المرحوم ابو عمار عندما كانت تتأخر
اموال الشحدة .. أويحدث ظرف معين يؤجل الهبات ..


لماذا يجوز لذلك ولا يجوز لذاك

الاخ نضال
انت تعلم والجميع يعلم بان جميع ما تم صرفه من سلف ومن اجزاء المعاشات قد كان من قبل الرئاسة

دعني اخالفك الراي بتسمية الاموال باموال الشحدة
اخي كم كانت المنح من الرئيس وكم كانت المساعدات الاجدر بك تسميتها اموال المساعدات
انت تتكلم عن اموال المنظمة
لقد تم صرف سلف واجزاء من المعاش ولم تقم الحكومة الحالية بصرف اي مبلغ للموظفين

انظر الى اللافتات الكبيرة التي تغطي اجزاء من مدينتنا
كم تكلفة الواحده منها
طيب خلينا ننسى هاي النقطة خليهم يعملو دعايه منيحه الهم بعد ما انهزت صورتهم امام العب

نسيت يوم التبرعات اللي صارت عالدوار وتم جمع مبلغ لا باس فيه وقال من اجل الحكومه
ومش بس بمدينة نابلس وغيرو وغيراتو

ممكن الشعب المسكين يعرف وين بتروح هاي الاموال

طيب يا سيدي بلاش هاي

وين راحت الاموال اللي هربوها عن طريق معبر رفح وقالو هاي للموظفين

خلي الطابق مستورر
وبكفي اللي بسير فينا

وبعدين انتا بتحكي اطلاق نار بالهواء من حراس الموقر " هنية " ممكن اعرف كيف حصلت الاصابات واذا بدك بنزلك البيان اللي توزع من قبل نقابة الموظفين

خليها على رب العباد
ورمضان كريم

وياريت نحكم العقل مش العاطفة لانو لعبتهم العواطف