آخر موضة.. يا حول الله يا رب... | الصفحة 2

[quote=مريم] لأنو بهلكونا لما ننزل على السوق بتلفي كل محلات البلد و اغلب الموجود اذا كان طويل بكون ديّق... و اذا كان عريض بكون قصير... و اذا كان طويل و عريض بكون مش حلو...... هادا بالنسبه للبنات.....
[quote]

عنجد موضوع كتير مهم وكتير منتشر بشكل مش طبيعي كل شئ صاير غير شكل وانتوا م خليتوا شئ و م حكيتوا
واكيد الحق الاول والاخير عالاهل
والله م بعرف شو شعور الاب ولا الام لما تكون بنتها ماشية وشعرها ولبسها مو طبيعي وتسمع الام او الاب خاصة كلمة هيك ولا هيك واكيد م بقدر الاب يعمل شئ لانه بعرف الحق عليه اللي نزل بنته هيك
حتى الشاب مشكلة بكون الشاب ماشي ولا بس برموضة من فوق يعني بنطلونه من فوق قصير متل برموضة البنات اللي قصيرة من تحت
ويا سلام عالخسر الساحل عالبنات والبدي القصير
انا بقول خلص يسمونا لبنان او عمان لانه فلسطين اسمها انمحى من ناسها او من اكثر ناسها للاسف م في دين ولا غيره ولا اخلاق

والله ما أنا عارفة شو أحكي....!! ما تتصوروا قديش فرحت بردودكم اللي عكست كل الوعي والمفهومية بكل ما للكلمة من معنى...

عنجد من كل قلبي بشكر كل اللي شارك برأيه منكم.. يا أحلى أعضاء.. كفيتو ووفيتو..

وبالنسبة إلي أنا كان اعتراضي أكتر شي عالتجار.. وكله من عدة مواقف صارت معي لما نزلت آخر مرة عالسوق قبل الصيفي بيومين...

فتت عمحل وشفت بلوزة كتير عجبتني وطولها وعرضها مناسبين إلي كمحجبة.. بس عيبها كان إنه كمامها قصار شوي..!! يعني مش مغطيين للآخر..

ولما حكيت للبياع قاللي "ما هاي الموضة!! وهيك أحلى بعدين!!!!!!" أنا انصعقت!! قلتلوه "لا ما بنفع شو ما أحلاني وأنا لابستها!! كيف بطلع منظرها عالحجاب!!!" ما لقيته غير اتطلع فيي هديك التطليعة!! هي احتقار وللا استهزاء وللا شو... حسيت حالي مش طايقة القعدة في المحل فحملت حالي وطلعت وانشالله مين غير رجعة..

وكمان موقف ما شالله وأنا نازلة عشارع سفيان شفت هالشب بمنظر والله ما بعرف كيف رح أوصفه!! كان عم يحكي مع صاحبه اللي كان قاعد بالسيارة.. وكان طبعاً مدخل راسه من الشباك وبحكي.. ومن ورا البنطلوون.................................................. خليكم انتو تتخيلو المنظر...!!

والله الواحد محتار وين بدو يروح بنظره من كتر هالشوفات اللي بنشوفها، وللا بأي لغة بدو يحاكي البياعين اللي بأي طريقة بحاولوا يغروا بنات البلد بالموضه المنافية لأخلاقنا وديننا، وهم ناسيين إنه أكتر من نصهم محجبات ولازم يكون لبسهم محترم ومستر.... وللا شو بدو يحكي عن الأهالي اللي آخر شي صاروا يسألوا فيه لبس أولادهم وبناتهم... ليش يسالوا ما هاي حرية شخصية!!!! وزماننا عن زمانهم بختلف والله!!

مش عارفة شو أحكي كمان والله اللي ببدا ما بخلص..

بس الخلاصة.... كلكم رااااااااااااااااائعين بردودكم وآراءكم، ولسه نابلس وارض الرباط بخير فيكم....

طيب أنا مضلش إلي ولا شي أحكيه يا عمي خلو لغيركم

سهر الليالي إسمحيلي أسجل أعجابي بالموضوع

شبابنا وبناتنا زي ما حكى فراس الخلل بالدين يعني لو في حدا مسلم عن جد كان ما بقبل على حالو ولا أهلو هيك

و كمان الإسلام بطلب التربية الصالحة وكمان الإسلام بطلب إنو ما نحضر الفضائيات الهابطة

و لو التاجر مسلم بحاول إنو ما يجيب ثياب فاضحة

و لو الإسلام موجود كان إلي بشوف غلط قريب منو بصححوا

بدعي لربنا إنو الإسلام يزيد و ينتشر أكتر و أكتر

و بدي أحكي شغلة صغيرة

أموت موت ولا اشوف حجاب الموضة صار داء هلأ و صار الواجب إنو تقنع البنت تتحجب حجاب الإسلام يعني العبء على الدعاة زاد

على كل بعين الله ورينا يهدينا و نغير نفوسنا حتى ربنا يغير حالنا



دمتي للهنا بكل خير على الطرح المتميز

الله يعينكم يا مريم
خلص ان شاء بفتحلكم محل فيه اواعي زي ما بدكم :rolleyes:

والله يجعله ألف مبروووووووووووووووووووووووووووووووووووك همسة
وعقبال عند الجميع يااااااااااااااااا رب

شكرا لمروركم من جديد... ومبروك لهمسة عالجلباب....

مع إنه كل لباس مستر لبنت مع الشال هو جزء من الحجاب سواء جلباب أو غيره.. بس في ناس بتستسهل!! ههههههه..