موضوع للنقاش هل نحن جيل فاشل؟! | الصفحة 2

فلسطين اياً كان المنهاج سهل صعب نعود لنقول هل تعتبرين اننا جيل ناجح ام فاشل اذا كنا ناجح اين النجاح ... فلسطين ايضا لتنبيه المقصود في السؤال نحن كشعوب عربيه لا كشعب فلسطيني هل جيلنا العربي فاشل. خدي بعين الاعتبار اصناف من الشباب العربي في مختلف الاتجاهات دين علم ديمقراطيه امن تحرر صناعه تجاره تطور ثقافه فن الخ الخ الخ شكرا فلسطين لمرورك وتعليقك ورأيك

...............................................................................................................................................................

سهر بتعرفي انا محتااااااااااااااااااااااااااااار اكتر منك وحيات الله عم بفكر بقول يارب بشو احنا مناح بدي شغله وحده اعرفها بترفع الراس
وبتعتبر من انجاز هاد الجيل مو لاقي شي بفكر اكتر بقول يظهر انو احنا والجيل يلي قبلنا اتعس من بعض مش عارف اوصل لنتيجه .علي قولتك من هون لبعد عشرين سنه ممكن نوصل لنتيجه واقعيه انو احنا سبب في دمااااااااااااار الامه هيك حاسس. ..... بتعرفي سهر انا بنتظار منك رد اخر اطرحي الموضوع علي ناس بتعرفيهم اسمعي منهم بركي كونتي فكره او فتحتيلنا باب اوسع لنفكر وانا بوعدك راح اطرح هالموضوع للنقاش خارج المنتدي واشوف شو راح اسمع اراء وربما .............. يعطيكي الف عافيه سهر بتعرفي جد وبصراحه بشكرك كل الشكر لمتابعتك ونقاشك واهتمامك ورأيك.

[quote=سهر الليالي]

اللي بنشوفه عن جيل شباب العرب هالايام عالتلفزيون كتير محبط... ناس فاضية وما عندها حس بالمسؤولية... بس هدول بيجوا 20- 30% من الشباب العربي صدقني...

quote]

لا احنا مو جيل فاشل واطلاقا اطلاقا اطلاقا
نحنا لو جيل فاشل كان ما كنا نروح على المدرسة مع انه المدرسة مضربة وناخد حصتين لو احنا فاشلين كان شفت 60 % من الشباب والصبايا طلعو من المدارس من صف تاسع او اقل حتى ..... لو احنا جيل فاشل كان ما طلع منا الطبيب والمهندس والممرض والسكرتير لو نحنا جيل فاشل ما بطلعو الشباب والصبايا برى على الخليج وعلى الدول الاجنبية مشان يبدعو هناك ........
الحق مو علينا الحق على دولتنا وعلى الظروف الي احنا فيها دولتنا شو موفرة النا ولا شي لانه ما بتقدر توفر النا شي ..... لما تكون نسبة الخرجين 400 خريج مثلا وما يكون في شغل الا ل 100 خريج ويكون شو معاشه 200 دينار شو بدهم يكفو ال 200 دينار على هاي الحياة الغالية ....... بطلع الواحد برى وبشتغل وهناك بقدرو وبحترمو وبعطو كل شي من وسائل الراحة .... عندك مثال واحد قرايبي مهندس راح على الخليح واشتغل اعطوه سيارة ومعاشه فوق 700 دينار ولما كان هون 250 دينار ومع سكن اله وين بتبدع وين بدك تنتج بتنتج في مكان بعطيك شي مادي اكتر لانه ظروف الحياة هلأ صعبة ....... ليش لما نطلع منحة دراسية على بلد اجنبي بنبدع اكتر من سكانه البلد الاصلي وبنتفوق لانه احنا جيل مش فاشل بنحب العلم .......
هذا راي وبس والي رجعه تانية

ايه هالكلام كتير صحيح وانا بايد فكرة انو هالجيل فاشل ولاتنسى شي مهم مسيو تالك انو كل عشر سنين جيل جديد لانو يعتبر عقد

لو بدنا نتحدث تانعرف ليش هالجيل طالع فاشل انا بقلكن من واقع تجربتي في الحياة بالخارجون واهاون يف الوطن العربي كون بيي سوري وامي فلسطينية

1- جيل اليوم مشبع كتير بالانوثة حتى صرت تشوف ان الرجال ما عاد رجال متل بيي وبييك وبييو على العكس تحسوا شاب مايض يطول شعره ما ويبلس سلسلة وحلق مجرد انو تقليد

2- جيل هالايام بيعيش من دون هدف خالي من ايا هذف في حياته غير الموبايل وبنوتة حلوة والله اعلم انو يدرس ولا ما يدرس بنفس الشي يحب المظاهر كتير

3- الامام علي قال ربوا اولادكم لزمان غير زمانكم المقصود هاون في هالكلام انو ما نربي اولادنا على كل شي جديد بل نربيهم انهم يتكيفوا التكيف السليم مع ما هو جديد يعني اخذ ما خير وترك ما هو شر

4- جيل اليوم من 20 سنة لهلق ما قدم شي لوطنه بشكل عام في الوطن العربي

5- جيل اليوم لايمكن انو يكون جيل محارب يحمل بارودة ولا حتى جفت تبع صيد ولاحتى يطلع على دباباة حتى يحارب ممكن عنده بنية قوية وجميلة بس هالبنية حتى يستعرض فيها قدام رفقاته والمعجبات تبعاته بينما انو يحمل بندقية ولا يطلع بطيارة تا يحارب ما بيقدر لانو عقل الجبان وجسم الشجاع بنفس الوقت هوة مفرغ دينيا عن شي اسمه الجهاد والجفت والقواص بالنسبة اله مش اكتر من استعراض قدام الناس والشهرة

هدى يا هدى صحيح هلأ الشباب ومو الشباب والصبايا كمان بنهتم بمظهرنا ليش بنهتم بمظهرنا انا بقلك ليش لانه احنا هلأ بنمشي مع الموديل ومع انه يكون للشخص منظر محترم خصوصا انه لما تطلعي على بلد اجنبي او عربي متقدم شوي بكون منظر الشب والصبية حلو وبهتم بمنظره فيعني لما الشب بيطلع على بلد اجنبي بنبهر بجمال البنت الاجنبية لانها بتهتم بحالها فبتزوجها وانتي الي بتقولي عنهم بلبسو الحلق ما في هون بفلسطين حد هيك بلبس حتى بسوريا عندكم ما في هيك اشكال والي بكون ماشي على هيك موديل بكون عايش برى لانه مش من تقاليدنا نلبس هيك اشياء وانتي بدك نلبس متل ابوي وابوكي شو بدك نلبس التوب المطرز والشب يلبس الحطة والعقال شو احنا وين عايشين اصلا ما بنتخيل هذا المنظر ابدا ابدا مع انه يمكن لو لسانا بنبلس هيك اشيا احلى من اللبس الي بنلبسه ومين قلك عنا ما بمسكو سلاح وبدافعو عن وطنه لا في وكتير كمان بنستثني منهم الي بستعرضو بالسلاح لو احنا شعب بس مشان نستعرض بسلاحه كان ما استشهد كل هذا من شباب فلسطين ..... هلأ احنا طلعنا عن سياق الموضوع بدي ارجع على السياق هلأ الخليج شو كانت صحرا شو كانت صحرا وهلأ شو هي اجمل مناطق العالم... الي في الدول الاجنبية صارو يجو على الخليج لانه في هناك اشيا متطورة اكتر واشياء حلوة كتير مزبوط ولا لا ...بفضل مين بفضلي انا وانت وغيرنا كتير حتى صار من دول الاجنبية يجو هناك مشان يشتغلو ليش ليش؟ لانه هناك الدولة موفرة الهم كل شي احنا دولتنا موفرة النا شي مشان نرتقي بدولتنا لا ومن وين بدك تجيب مصادر تمويلية مشان تدعم هاي المشاريع الي بدك تعملها من وين الا اذا كانت من مصادر غير شريفة من تجارة مخدرات وكحول وغيره .......هلأ بدول اجنبية الدولة هي المسؤولة توفر الك كل شي بس ما عليك الا انك تبدع وتشتغل وتجيب اشياء متطورة وبس
وين بتروح هاي خيرين قدامك تروح على دولة اجنبية او عالخليج وتبدع وكل شي متوفر الك ولا تبقى هون عاطل عن العمل ما تعمل شي او تشتغل وبحرثو على الواحد حرث وبمعاش ضئيل كتير انتو شوفو وانتو قرورو
والي رجعه تانية على الموضوع

fulaانتي تحدثتي عن 20 او 30% طيب باقي 7% وين دورهم احنا عم نتكلم عن 70% ونحن نعتبر دول عالم ثالث يعني الاسم الحقيقي دول عالم متخلف
والتخلف والفقر والبطاله وتردي الاوضاع من سيء الي اسواء ممكن تقوليلي
fulaالسؤال وين انتاج 70% من الشباب يلي باقيين وين نجاحاتهم ؟.
....................................................................................................................................................

سنو يا سنو ياخيتي احنا الله كتب علينا هالاوضاع طيب خيتي احنا كان سؤالنا علي شباب العرب الجيل العربي لجميع الاوطان العربيه عندهم كل مقومات الحياة ممكن تحكيلي شو عملو لأوطانهم ولعروبتهم واسلامهم لاتقتصري بنظرتك علي ابناء فلسطين

ذكرتي مهندسين واطباء و و و و طيب ليه كل مالها اوضاعنا عم تسوء وعم نتجه للتخلف وبنمشي للخلف وبسرعه كبيره
بطاله ؛ تردي الاوضاع الصحيه ؛ فقر ؛ حروب ؛ فن هابط ؛ برامج هابطه ؛ بعد عن الدين ؛ عنوسه وطلاق متزايد ؛ كذب ونفاق وبغضاء وعداوه ؛
توتر وتشائم ؛ خوف من المستقبل ؛ احباط ؛عوائل عم تتفرق وتتحاب وتتناحر ؛فساد اخلاقي واداري ؛

كتير شغلات عم تخلي الواحد ما يقدر يقول انو نحنا عم ننجح في شي معين او نحنا جيل مو فاشل سنو فعلا عم نبحث عن اجابه صادقه
ما في شي تشجع الاوضاع كلها من سيء الي اسواء في كل البلدان العربيه سنو يلي عم ينجحو بره ما بتسجل نجاحه لوطنه لانو ما عم يفيد وطنه بهاد النجاح وخصوصا يلي بنجحو بره اصلا عم يجو عنا ويحتقرونا ويشوفو حالهم علينا ويستهزئو بأوضاعنا وتخلفنا

سنو انتي ذكرتي انو عم نتعلم وفينا اطباء ومهندسين طيب هل سجلنا سابقه او اختراع او تقدم بهاي المجالات
سنو خيتي عم تقولي قريبك مهندس بدول الخليج عم يعطوه 700 دينار وحياتك ال 250 دينار في وطنه احسنله سنو انا موش مهندس ولا دكتور راتبي ما يعادل800 دينار الله يسعدك فتشيلي ع شغل ب 400 دينار بنابلس واول 3 رواتب اهداء مني الك لانهم ال 800 عالفاضي مصروفات سنو انا عم احاول اهاجر عم افتش ع الراحه وهدوء البال ما راح ابدع لاني محروقه اعصابي ومتوتر وانا احسن من كتير من الشباب وعم اسمع من الشباب يلي احسن مني نفس الاحباط .

ولاكن برجع بقول متل ما قالت سهر يبقي الامل نأمل ان يسجلنا التاريخ بأننا حاولنا وقرعنا ابواب النجاح . مرسي سنو لمرورك.
...........................................................................................................................................

هدي اولا اهلا وسهلا بك في منتدي الهنا واهلا فيكي في موضوعي وشكرا لمشاركتك النا في النقاش

هدي انتي فتحتي باب كتير مهم كلامك صحيح انو جيلنا جيل انوثي والانوثه عم تقترب من الرجوله في كتير من الامور
نعم كتير من واقع الشباب عم بيعيش بدون هدف واكتر شي بيهمو الموبايل وبنوته نعم هاد واقع خطير افراغ عقول الشباب وجزء من مؤمرة تدمير الشباب
ولاكن لو كان الواقع جيد وصحي ما اظن انها هالشغلات راح تكون عائق او هامه هاد ناتج الفراغ وعدم المسئوليه وانعدام الحريه
جيل اليوم لايمكن يحارب هههههههههههه هدي الجيوش العربيه لايمكن تحارب من البطون المنتفخه فما بالك في شباب الدلع

..........................................................................................................................................
سنو يا خيتي ما في دوله عربيه وحده متطوره كلهم دول عالم ثالث يعني متخلف لاخليج ولا غيره ومين قالك في حريه في دول الخليج ويلي عم يخرجو ع الخليج متوفر الهم كل شي ياسنو تعالي اوريكي الاحباط لدي الشباب المغترب بالخليج تعالي اقعدك مع اطباء ومهندسين رواتبهم ما بتوصل 300 او 400 دينار
تعالي اقعدك مع شباب اعمارهم 30ةو 35 ولسه مو قادر يتجوز وازا تجوز ما بيقدر يفتح بيت ويصرف عليه. سنو التقدم بعمره ما بيكون بالمال ولا باللبس
سنو جميل وضروري الواحد يلبس ويكون انيق ولاكن لا تعبر عن تقدم وتحضر ابدا لو كان علي اللبس كان احنا دول عالم متحضر اكتر من الغرب
سنواحنا عنا مشكلة في فهم الدنيا وعنا تخلف اجتماعي عم يطغي علي امور كتير
سنو لو نجحنا بالعلم وين نتائج هاد العلم عل اقل اجتماعيا ؟ يسلمو سنو مرور رائع ولاكن بدعوكي بصراحه فكري بالموضوع وراح تلاقي انو احنا تغير فينا كتير شغلات وعمالنا نرجع للخلف وحتي الامل عمالو يتبدد ويخوف

المشاركة الأصلية كتبت بواسطة: snow_white هدى يا هدى صحيح هلأ الشباب ومو الشباب والصبايا كمان بنهتم بمظهرنا ليش بنهتم بمظهرنا انا بقلك ليش لانه احنا هلأ بنمشي مع الموديل ومع انه يكون للشخص منظر محترم خصوصا انه لما تطلعي على بلد اجنبي او عربي متقدم شوي بكون منظر الشب والصبية حلو وبهتم بمنظره فيعني لما الشب بيطلع على بلد اجنبي بنبهر بجمال البنت الاجنبية لانها بتهتم بحالها فبتزوجها وانتي الي بتقولي عنهم بلبسو الحلق ما في هون بفلسطين حد هيك بلبس حتى بسوريا عندكم ما في هيك اشكال والي بكون ماشي على هيك موديل بكون عايش برى لانه مش من تقاليدنا نلبس هيك اشياء وانتي بدك نلبس متل ابوي وابوكي شو بدك نلبس التوب المطرز والشب يلبس الحطة والعقال شو احنا وين عايشين اصلا ما بنتخيل هذا المنظر ابدا ابدا مع انه يمكن لو لسانا بنبلس هيك اشيا احلى من اللبس الي بنلبسه ومين قلك عنا ما بمسكو سلاح وبدافعو عن وطنه لا في وكتير كمان بنستثني منهم الي بستعرضو بالسلاح لو احنا شعب بس مشان نستعرض بسلاحه كان ما استشهد كل هذا من شباب فلسطين ..... هلأ احنا طلعنا عن سياق الموضوع بدي ارجع على السياق هلأ الخليج شو كانت صحرا شو كانت صحرا وهلأ شو هي اجمل مناطق العالم... الي في الدول الاجنبية صارو يجو على الخليج لانه في هناك اشيا متطورة اكتر واشياء حلوة كتير مزبوط ولا لا ...بفضل مين بفضلي انا وانت وغيرنا كتير حتى صار من دول الاجنبية يجو هناك مشان يشتغلو ليش ليش؟ لانه هناك الدولة موفرة الهم كل شي احنا دولتنا موفرة النا شي مشان نرتقي بدولتنا لا ومن وين بدك تجيب مصادر تمويلية مشان تدعم هاي المشاريع الي بدك تعملها من وين الا اذا كانت من مصادر غير شريفة من تجارة مخدرات وكحول وغيره .......هلأ بدول اجنبية الدولة هي المسؤولة توفر الك كل شي بس ما عليك الا انك تبدع وتشتغل وتجيب اشياء متطورة وبس
وين بتروح هاي خيرين قدامك تروح على دولة اجنبية او عالخليج وتبدع وكل شي متوفر الك ولا تبقى هون عاطل عن العمل ما تعمل شي او تشتغل وبحرثو على الواحد حرث وبمعاش ضئيل كتير انتو شوفو وانتو قرورو
والي رجعه تانية على الموضوع

واضح انو معلوماتك كتير سطحية وضحلة عن الحياة هونيك في اوروبا

عم بتقول بنلحق الموديل ؟ ليش خيوو ؟ لبسك العربي مانو موديل ؟ ؟؟؟؟؟؟؟؟ ولا شي بتستحي فيه ؟؟

عم بتقول منظر الشباب والبنات حلو ايه حلو بس لاتنسى حديث السرول ايل عم يقول (( لعن المتشبهين من الرجال في النساء ومن المتشبهات في النساء من الرجال ))
سمعت في هيدا الحديثي عيني !!!!!! اذا ما سمعت فيه عم قلك اياه

عمرك شفت اوروبي لبس لباس عربي ؟

شي تالت الالبسة والقصات والديزاين الي عم تشوفوه وتلبسوه اغب الشعب هونيك ما بيلبس هيك لبس ولا بيقص هيك قصات الا اذا دل ذلك على الرمزية والرمزية تعني الفئة او الجماعة
يعني متلا بعض انواع الجينز ما بيلبسها الا الشواذ جنسيا اللواط والسحاقيات الهم جينز مختلف والبهيمية الهم لبس مختلف وزواج المتلي الهم نمط مختلف
شو بتعرف عن هيدول حتى تقول موديل وموضة ؟

بتقول منظر الصبية حلو في بلد متقدم ؟ انتا كشاب مسلم كيف بتقبل على حالك تطلع على بنات المسلمين ما فيه شي اسمه غض البصر ؟

البنت الغربية داعسة في بطن الشباب العربي لما يكون هونيك بيكون هوة تابع الا مو هيي تابعة الو لانو القانون معها هي مو هوة وللعلم البنت الاوروبية ما بتلبس وبتتجمل متل مانيكون الازياء زي بنات العرب البنت الاجنبية لما بتحب تخرج شيك بتخر شيك لما بدا تطلع على حفلة رسمية


عم تحكي عن الاشيا المتطورة مع كل اسف الاشيا المتطورة من وجهة نظر الشباب والبنات ما بتتجاوز الموبايل والسيارة واللبس والدش والكمبيوتر
بينما تطور في صناعة في زراعة في تعليم ما فيه يا عيني تعرف ليش؟
لانو شباب نصهم ما بينعدوا من الرجال حتىيبحثوا في هيدي امور
للعلم الي عم تشوفو عى التلفزيون عن سوريا هيدا ما بيعكس اغلبية المجتمع بحب قلك انو الشعب السوري محافظ وكتير منه متدين والبنت هونيك ما متروك البل على الغارببالصورة ايل عم تشوفا هيدا كلو بس للتمثيل والتمثيل مو كلوا بالواقع لانو نسبة الي عم تشوفه لايتعدى 6% من الناس
يعني ما تتوقع تشوف وحدة لابسه حفر او كت او فيزون بالشوارع
يلا
متاسفة لصراحتي الزايدة

اخي نايس مين قلك انه الشباب العرب متوفر الهم كل شي واذا كان موفر الهم كل شي مين هم اولاد الاغنياء واحنا كلنا عالم ثالث والي بكون مبدع عنا بطير وين بروح على بلد اجنبية تاويه ليش هناك رح يطورو افكاره هون على قد ما ابدعت على شي فاضي بدي اقلك مثل في واحد مهندس زراعي من الاردن قال انتو اعطوني البذرة تاعت الزيتون وانا بجيب الكم منه زيت زيتون شو عمل رئيس الدولة قله ان شا الله ان شا الله ومات ملك الاردن ولهلأ ان شا الله بتيجي لو كان في مكان تاني باي بقعة في العالم غير العالم العربي كان كرمو واعطوه وعملو اله شو ما بده ..... احنا مش جايل فاشل لهاي الدرجة في عنا عقل وعنا قدرة انه نعمل ونخترع بس ما في مقومات ما تقول في مقومات لا ما في سوريا فيها عملة كبيرة تعمل مصانع وغيره لا لبنان اكتر دولة فقيرة مصر الجزائر ما في ما في لانه احنا لسانا ما تطورنا شي لانه ما في شي من المقومات الي تخلينا نتطور والي معه فلوس بطير فيهم على دولة اجنبية يعمله مشروع ولا بفتح محطة اغاني شي يجيب اله عائد فلوس كبير بس ........ هلأ انت بتقلي هون يعطوك 400 دينار وبترجع ال 400 رح يكفوك ورح يعيشوك متل العيشة الي انت عايشه اوك عيشوك احلى عيشة اوك ....... هون في هداة بال هون في راحة هون في استقرار ابدا ابدا وين بدك تيجي على الهم والحزن والتعب هون والي بكون شغله ماشي هون بقولو عنه ياااه فلتة زمانه وما بعرف من وين بجيب كل هاي الفلوس ..وهلأ انت مو شايف عنا الجامعات مكدسة كلها طلاب وطالبات كله في طلاب وعقولهم كبيرة وبفهمو بس لما تخلص دراسة ما في شغل الك شو بدك تعمل بضلك قاعد لا بدك تروح وتيجي مشان تشتغل ووين مكان كم واحد من فلسطين ومن غير فلسطين صار يعمل اله هجرة ومن دون رجعه على بلده لانه ما بدنا نضل محلنا قاعدين يمكن وجهة نظري سطحية بس هذا الشي الي مامنه فيو وهاي معتقداتي وانا بحترم وجهة نظرك ومعتقداتك بس ما بدنا ينقال عنا فاشلين وخلاص نامن انو فاشلين وبس لازم تعمل وتدرس وتيجي هون هون
...................................
اخت هدى يمكن معلوماتي سطحية وبشكرك على هاي الكلمة لانك بتحكمي علي من غير ما تشوفي لا افكاري ولا معتقداتي ولا بتعرفي شي عني انا بقلك ليش لانه لساني صغيرة ما عرفت لسا من الحياة كتير لساني طالبة مدرسة بس عندي عقل وبفكر لانه مش مجمدته عقلي وبقول خلاص فاشلين ليش نفكر وليش نعمل وليش ندرس من اصله يمكن كل الي قلتيه صح ومزبوط 100 % بس ما بطبق على الكل والشب الي بده يتزوج اجنبية مشان الجنسية ويكون هو تابع الها الله لا يرده .... وليش نحنا هلأ ما بنمشي مع الموديل بنمشي لانه كل البضاعه هون شغل اجنبي وما بعرف شو ومين قلك انه احنا بنلبس قصير وكت اسالي الاخ نايس احنا هيك بنلبس صحيح بلبسو قصير بس مو لدرجة الي انتي بتقولي عنها واحنا شعبنا اكتر شعب محافظ متل ما هو الشعب السوري محافظ احنا لسا محافظين اكتر واكتر واكتر
والشباب الي بتقولي عنهم الي بلبسو هيك وبعملو متل الصبايا هم حرين بانفسهم بس ما تطلعو على الشي القليل وتجمعو الكل في عندك هون في نفس البيت ولد بكون ما شا الله عنه ادب واخلاق ودين وواحد عكسه 180 درجة كل واحد حسب ما بفكر وحسب ما بعتقدد ....
متاسفة اذا دايقتك بشي بس انا هاي افكاري وهاي معتقداتي وانتي الك افكار ومعتقدات غير عني وكل واحد حر بفكره ويعطيكي الف عافية

اولان شي انا ما كنت اعرف انك صبية مو شاب فكرت انك شاب متاسفة طبعا
تانيا شي واضح انو يمكن بنياتنا جيل ما يعادل عشرة سنين اذا مو اكتر يعني انا بعمري هلق 27 سنة خلصت دكتوراه مولودة وعايشة في بريطانيا وبيجي لهاون زيارات صيفية مع هلي

انيت ما ضايقتيني بشي بس باين انو فعلا حبيبتي معلوماتك سطحية عن الحياة في اوروربا والعيشة هونيك وحتى خبرتك في الحياة لساها صغيرة كتير

ما تزعلي من كلامي بس لانو الي بيعيش كتير بيشوف كتير وبكرة بتشوفي وبتسمعي

يمكن كلامك مزبوط و 100 % وانا لساني مزبوط صغيرة بس عندي عقل وبفكر عن 10 اشخاص لانه مو مجمدته وقلت خلاص احنا جيل فاشل انسي يا بنت ليش تدرسي ليش تعملي ليش تروحي ليش تيجي لا لا لا انا بطور حالي وكتير كتير مو شوية شوية .......
انا ما بقول انه الشباب الاجانب هم المناح لا هم اسوء شي بس الي منيح عندهم انه دولتهم موفرة الهم كل شي بدي اسالك في دولة عربية موفرة لشعبها شي لا ما في ولا دولة ومستحيل تلاقي واذا وجدتي فهو القليل القليل ....
وانتو الي بتقولو عنهم فاشلين نسبة قليلة قليلة بس احنا ما شا الله العرب بنعمم كل شي........
وكمان مرة شكرا الك على كلمة سطحية شكرا كتير الك واني لساني ما شفت من الدنيا اشي شكرا الك بس ما تحكمي على الشي من اول نظرة ومن مجرد كتابات وهاي نصيحة مني الك خديها من اختك الصغيرة الي بينك وبينها 10 سنين او حتى بالزبط 11 سنة .....
وان شا الله لو كبرت مش رح احط الحق كلو على الجيل لا في حق كبيرررررررررررررررررر على الدولة وهي السبب بالي بصير بالجيل من انحطاط ..
ومشكورة الك على ردك وما زعلت منك لانه يمكن تجربتك اكبر مني بالحياة بس احنا ما بدنا نضل متشائمين وما عنا امل بالمرة نقول فاشلين فاشلين وانسي يا بنت وامشي متل الناس ما احنا فاشلين ومش رح نتطور ....
وان شا الله بكبر وبكبرو كل الاجيال الجديدة وبتشوفو انو مش فاشلين بالمرة

اولا للجميع شكر واحترام نقاش جميل اراء اجمل نظرات مختلفه ثقافات متعدده احترام متبادل قلوب منفتحه

رسالتي اولا اوجهها الي سنـــــــــــــــــــــــــــــــــــــو
سنو بيعجبني فيكي برغم انك صغيره في السن ابداعك وأرادتك وشخصيتك اولا فلو كان الانسان يقدر بعمره لكان لدينا الطامه الكبري في مجتمعاتنا فكم هم كبار في السن جلبو لنا الدمار والتخلف ابدا سنو استمري ابدعي تكلمي وناقشي ولو كنتي صغيره بالعمر لا اشكال فلربما كما قلتي انو عقلك بيفكر عن 10 نعم والله ياسنو اني بحترمك لشجاعتك واعترافك بأنو عمرك صغير وما عندك خبره ولاكن لو كان عندك خبره بدون هذا العقل يلي عم تفكري فيه
لكنتي كا لجماد كما من هم لايملكون العقل والخبره او يمتلكون الخبره ولاكن لاعقل انا عاجبني كلامك ونقاشك بدل علي اهتمامك وحرصك.ابدعي واستمري لو كان تفكيرك سطحي لما كنتي تناقشتي في مواضيع هامه كهذا الخبره تأتي من هنا .............
...................................................................................................................................................................................................
سنو سأعيد كتابة نقاط واود نحدد نقطه نبداء منها الحوار
انا سئلت هل نحن جيل فاشل وكنت اقصد جميع الجيل العربي بدون ان نقتصر علي شعب معين.
اجبتي بأننا جيل متعلم وعم نتعلم وفينا اطباء ومهندسين و و و ولاكن عم بيهاجرو بره يلي عم بهاجر بره هم قلائل يعني خلينا نقول 10% من الاطباء طيب وين نتائج ال 90% من هؤولاء يلي بقو في البلدان العربيه شو نتائج هذا العلم هل سجلنا سابقة اختراع هل سجلنا عمليات جراحيه فريده من نوعها هل انشئنا مراكز طبيه عالميه . مع العلم اننا في اوطان تحتاج للطب في ظل الظروف الصحيه السيئه

سنو نحن امة امرنا الرسول بأن نتزين لدرجة ان الرسول صلوات الله عليه وسلامه كان يأمر الجيوش بأن تأتي في الحرب بأجمل لباس
سنو اللبس مو عيب العيب اننا نتعدي حدود المنطق والعقل والدين وبالرغم من هذا فلا ننظر الي انو هاد سبب هام في واقع مرير في كافة المستويات


نحن شعب متعلم ونتعلم طيب ياسنو اذا كنا متعلمين ونحن الان في قمة التخلف ومن سوء الاحوال اجتماعيا اخلاقيا دينيا علميا وطبيا فقر وبطاله
سياسيا وعمالها تتفاقم يوم مع يوم.. في وقت انك تدخلي علي الحرم الجامعي وتشوفي القمامه في الارض ترمي من طالب او طالبة جامعه او تدخلي علي دورات المياه المقرفه المقززه او تسمعي الفاظ قذرة من طالب جامعي.
اسنو الاوطان بتقوم علي سواعد شبابها عم نتهم دائما الحكام والمسئولين ويكونو دائما شماعه لتصرفاتنا ياخيتي ماهما المسئولين مننا وفينا
وبرضو ومع هيك انا بقول كلامك فيه نسبة كبيره من الصحه ولاكن هناك امور الدوله ما الها دخل فيه برضو احنا سيئين فيه ومتخلفين.
ونحنا يلي بنردد لهم بالروح بالدم نفديك ياااا فلان . الاوطان العربيه اغني بلدان العالم تمتلك النفط والعقول كما ذكرتي ياخيتي هناك اوطان عربيه لم تعرف حروب وتمتلك المال وجميع مؤهلات الابداع لأبنائها راحة بال جامعات وسائل اتصال شو عملو هدول الشباب لاوطانهم غير انو قاعد يندب حظه وبقول مش ماخد حريتي يا اخي ابداء مشوار الالف ميل ولو بخطوه. سنو لا ترجعي لوضع فلسطين انظري بشكل عام لجميع الدول العربيه وخدي بعين الاعتبار جميع الفئات ومنتجات هذا الجيل...حتي الاعلام عم ننقل برامج نقل ستار اكاديمي وسوبر ستار حتي المسابقات سنو كبريت السجائر عم نستورده ومقص الاظافر.....ياسنو ومين قالك انو يلي بروح ع الغرب عم ينجحو ويبدعو احنا بنفكرهم هيك ليه لانو نظرتنا صارت سطحيه للامور معاه مصاري بيحكي انجليزي بيلتزم بمواعيد ما بيرمي القمامه من شباك السياره بياكل بيتزا هت وبيحب المطعم الصيني عم يجولنا بنفكرهم شي وحقيقه هم مجرد اجساد فارغه حتي من الدين ونحن اجساد بلا عقول ومباديء وعم ننظر للأخر وكانه كل شي وافضل شيء الغرب بيتمنو يجو يعيشو عنا مع تخلفنا شوفي لوين يعني تخلفهم اكتر مننا مع هيك يبقي لدينا وازع ديني يحكم اخلاقنا وتصرفاتنا وهذا مالايملكون ......

انا لم اطرح رأيي الذي اجزم به الي الان حتي لا يعتبر نهائيا بلعكس انا احاور لكي اصل الي عكس ما اعتقده
سنو اقرأي ماكتبت هنا وارجعي لردي لكي السابق وبعدين اجيبي نقطه نقطه شكرا سنو لمشاركتك وبحترم رأيك
..................................................................................................................................................................................................................

هدي تحيه طيبه خيتي فيكي و[اهل سوريا جميعا اخوه لنا اعزاء نحبهم ونحترمهم ولهم مكان وعشق خاص في قلوبنا
ربما نحن في الاوطان العربيه نمتلك الكم الهائل من الخبره وخصوصا اننا نتعامل مع عقول وجنسيات وافكار ومعتقدات مختلفه ومتنوعه من جميع الطبقات الاجتماعيه
اود الاشاره الي ان اوطاننا بها الخير وتمتلك القدره علي النهوض ولاكن ينقصنا التخطيط والاراده وتطهير الفساد اكثر من حاجتنا للغرب وعلومه وتطوره واخلاقه ولباسه
ان حددنا نظرتنا كدول وما تلبس بنات هذه الدول وشبابها فنقول اننا نحن في فلسطين يحكمنا العرف والاخلاق والدين ففعلا لو قسنا مدي الانفتاح في الشعب الفلسطيني
في الداخل فأقول ياليت المجتمعات العربيه كما نحن في حفاظنا ومظهرنا ولاباسنا .وننظر الي من هم غيرنا فنقول حمد لله لما نحن به من خير.

هدي ذكرتي بأنكي تعيشين في بريطانيا اود ان اطرح عليكي بعض الاسئله
ماذا قدمتي او بما خدمتي وطنك وانتي تعيشين في بريطانيا ؟؟
مااسباب حكمك علي ان جيلنا جيل فاشل؟
هل حاولتي يوما من الايام ان تأتي الي وطنك الام لتقدمي له بعض مما تعلمتيه ؟
من خلال هذه الاسئله لاتقتصري بردك علي لباس او طعام بنظره شاملة عامه متكامله وهل تعتبري نفسك جزء من هذا الجيل وهل فشلتي مع هذا الجيل بغض النظر عن الشهاده العلميه
اقصد الفشل في العطاء لوطنك
اريد اعادة التوازن للموضوع من خلال طرح عدة اسئلة وخصوصا اننا لم نصل الي رأي نتفق عليه

هل نحن جيل فاشل؟ طيب وين نتائج النجاح ان لم نكن فاشلين؟

بشكرك انا اخي على كلامك وعلى تشجيعك الي ... ومن انا بالصف التاسع عملت مؤتمرات مناقشات وغيره واجى على المؤتمر مدير التربية والتعليم والعديد من الاساتذة والمعلمات والموجهين وقلنا الهم عن مشاكل المدارس وعن حقوقنا وهيك وهي صار والحمد لله في تغيرات ولو كانت بسيطة في بعض المدارس ومن يومها بناقش الي بكون قدامي وبحاول اوضحله وجهة نظري وشكرا الك اخي .....

هلأ بدي ارد على كلامك وعلى ردودك
هلأ على النقطة الاولى الي قلنا انه 10 % فقط هم الي بهاجرو و 90 % بقو في بلادهم هلأ انا بقلك شو بعملو الي ببلادهم في عندك الاطباء الي هون بعملو العمليات الجراحية وبساعدو المرضى ومن هاي الاشياء ... المهندسين عملو العديد العديد من العمارات هذا الي بالتخصص المعماري والمدني اما باقي التخصصات فانا ما بعرف صراحة شو بعملو ....... صحيح ما عملو مراكز طبية احنا رجعنا لنفس المشكلة عنا بمجتمعاتنا العربية القدرة على عمل مراكز طبية منافسة للمراكز الاجنبية لا ما في .... لو في كان عملنا .... بس هلأ في عنا المستشفى التخصصي بعملو زراعة قرنية للي ما بشوفو منيح بعملو عمليات القلب المفتوح وكتيييييييييير اشياء وفي تطور ولو بسيط هذا على الصعيد الفلسطيني .... وبدول الخليج في كتييير مراكز طبية كبيرة وفيها متوفر كل الاجهزة وانت هناك وبتشوف كمان ... وزمان قبل ما يحتلو العراق كان يروحو يدرسو الطب ويعملو العديد من العمليات الناجحة .... واحنا عنا الخبرة بس مش متوفر النا الاجهزة وهاي حقيقة .........
النقطة التانية اللبس
اللبس والتزين امر ضروري وضروري جدا لانه دينا طلب منا ذلك بس الي بتعدو حدود المنطق وحدود المسموح والي مش مسموح هم الي بجيبو على حالهم المرار والحرام والحكي من الناس بس هاي بتضل فئة قليلة ومو كتيرة .........

النقطة الثالثة المسوؤلين والدولة
الدولة ليش اجت والمسؤولين ليش اجو اجو مشان يحققو الي بدنا ياه ويحققو طموحاتنا ويحققو كل شي هلأ لو مثلا الدولة معها ميزانية مثلا كان فصلو بين جامعة الشباب والصبايا على حد التعبير الدولة والمسؤولين لشو وجودهم اذا ما كانو بدهم يحققو كل شي النا ويوفرو النا العمل ويوفرو النا حقوقنا على القليلة يوفرو النا الطمانينة لشو هي ؟؟؟؟
صحيح هلأ احنا كتير بطلو يدرسو والي بدرسو بس مشان يقولو عنه متعلم ومثقف وبركي طلع برى ودرس او اشتغل شي منيح بس هون على شي فاضي صارو الناس بقولو بنتعلم صنعة بتجيب الي فلوس بدل الدراسة وهم الدراسة وبعدين ما في حد يقدرك ولا شغل متل العالم صح ولا لا ؟؟
صحيح في حق كبير علينا انه صرنا نجمد عقولنا بس ليش لانه ما في شغل رح تاخد شهادتك ووين تحطها على الحيطة وتقعد وياااااااااااما في شباب درسو وبعدين شو صارو يشتغلو بيعين في محلات والي ببيع قهوة وشاي وغيره كتير مو الحق علينا بس

النقطة الرابعه صحيح في دول وكتيييييرة كمان عندها نفط وما اجو عندهم لا احتلال ولا اجى عليهم حروب وموفرين لاولادهم كل شي بس كلنا بنعرف شو بعملو الي معهم فلوس بروحو بفتحو محطة اغاني بدل ما يفتح جامعه متل العالم او يستثمرو بشي مفيد يعود بالعلم والمنفعه على الجيل الجديد لا هلأ برنامج ستار اكاديمي مين الممول الرئيس الها ممول فرنسي شو هدفه جيل فاشل فاشل فاشل كله صايع ( سوري على الكلمة ) ما بعرف شي وكمان نصير نشوف الي مو عادي ويصير عادي كتييييير هلأ مجتمعنا احنا الشرقي من متى صار يقبل الشباب والصبايا هذا الي بصير بينهم كلهن بنفس بيت لا بقرب الها ولا بتقرب اله والاشياء الي قمة في الانحطاط والتصرفات المشينية الي بتصير قدام العالم وكله هذا بتكون مخطط اله وما عليك غير تنفذ ليش مشان نصير جيل فاشل مو نحنا جيل فاشل لما يكون الامير خالد بنت طلال الله يقصر عمره ويريحنا منه فاتح كل محطاطات روتانا والكليبات امسخرة الي بعملوها وما بدك الجيل يصير فاشل ..... احنا لو الظروف البيئية المحيطة فينا مو هي فاشلة كان ما بصير الجيل فاشل .....

نقطة جديدة اولاد الغني والي موفر الهم كل شي شو بعملو قلي شو بعملو ولااااااا شي ولا بدرسو ولا شي بس لما يكبرو ابوهم بفتح الهم شركة شي يورث شغلة ابوه واذا كان بده ابنه يصير ويدرس ما بدرسو بكل بلده بدرسه برى لانه هناك في مجال للانحراف اكبر لاولاد الاغنياء او بدرسوهم بمدارس بس الهم الاغنياء ويا ريتهم بعملو شي متل العالم ليش لانه اهلهم هم الي دمروهم

هلأ احنا مجتمعنا ليش والفقير كمان بدرس ممكن اعرف ليش انا بقلك لانه الفقير ما بنتقل من مستوى الفقر الا بالدراسة وبس ........
واحنا لو الظروف الفاشلة الي محيطة فينا كان بنصير ما في متلنا لانه عنا عقول وعقولنا بتوزن بدل والله ما خلق واحد بدون عقل .........
شكرا الك اخي عالموضوع الحلو عن جد والمناقشة الحلوة