حوار مباشر بين الشباب والبنات | الصفحة 5

انا خلصت 3 سنين جامعه وطالعه على سنه رابعه والحمد لله انا ما بطنش محاضرات الا في حالات قصوى ((ازا كنت كتير مضطره))لاني ما بفهم الا من خطي وكتابتي عشان هيك ازا بدي اصور شي بطلب من البنات وطبعا مافيها شي ازا اي شب طلب دفتري عادي بعطي الدفتر وانا بطبيعتي عامله حدود في التعامل مع الشباب وفي شباب كتير ما بحب اتعامل معهم او اعطي دفتري
يعني باختصار صرنا طلاب جامعه بنقدر نميز كل شي ونعرف الصح من الغلط

شكراً لردود الجميع اللي عنجد اثبتت مدى وعي ومفهومية الأعضاء.. يعطيكم ألف عافية....
[/size]
[size=6]وهللأ بدنا نطرح موضوع جديد... اللي بحب يسأل من الشباب يتفضل... والصبايا يستعدوا... بدنا نقاش حلو...

يلا شباب اسالو هلأ دوركم بالاسئلة
.......................

صبايا تحية عطره سؤالي نوعاَ ما حدث عام ولاكن اريد سماع صوت وأراء شخصيه

من حين الي اخر يطل علينا الغرب بدعوي حرية المرأة وحقوقها في الوطن العربي وهي كائن مسلوب الحريه وحتي الانسانيه
فلطالما وقفو ونصبو انفسهم محامو دفاع وباحثو عن حرية المرأة العربيه من الاظطهاد الديني والمجتمعي وكثير من يردد ويغرد
من خلفهم كاتب/ه ناقد/ه باحث/ه او تيار معين

السؤال هل فعلا ترون ان حقوق المرأه العربيه فعلا مهضومه وان المجتمع يرفضكم ويحاربكم وانكم مسلوبي الحقوق ؟
هل قصر الاباء والابناء والاخوه في توفير ما تردن من امور وكان من هذا المساس فعلا هضم لهذه الحقوق؟
هل نحن الرجال اسئنا الي بناتنا وامهاتنا وحرمناكم من الحريه والاهميه التي وهبكم اياها الاسلام؟

اتمني منكم عدم التشتت في الاجابه واعطاء الاسئلة تشعبات خارجيه ارجو اعطاء رأي كامل متكامل ودقيق

يعطييييييييييكم العافيه......
اول غلطه غلطتها يا nicetalk انك بتحكي يطل علينا الغرب بدعوه حرية المرأه.... يا ريت بس الغرب!!... الشرق و الغرب و الشمال و الجنوب.... كل العالم صار يحكي بحرية المرأه هل ايّام......

السؤال هل فعلا ترون ان حقوق المرأه العربيه فعلا مهضومه وان المجتمع يرفضكم ويحاربكم وانكم مسلوبي الحقوق ؟
لا ..انا على مستوى شخصي و عائلي... لا ارى ان حقي مهضوم ,, و الحمدلله,,,, حتى كمان بالنسبه للمجتمع,, ما منقدر كبنات و نساء فلسطينيات انو نحكي انو حقنا مهضوم... لأنو كل الفرص متاحه امامنا متل الشباب,, التعليم, العمل,كل شي...
هل قصر الاباء والابناء والاخوه في توفير ما تردن من امور وكان من هذا المساس فعلا هضم لهذه الحقوق؟
الحمدلله لا.... و لكن فئه من البنات يعانين من تقصير الاهل....
هل نحن الرجال اسئنا الي بناتنا وامهاتنا وحرمناكم من الحريه والاهميه التي وهبكم اياها الاسلام؟
انا ما بشوف هيك......

اكتفيت بالاجابه على الاسئله المطروحه.....و لم استطع الاسهاب في الاجابه,,,خشية الخروج عن الموضوع...

احنا دايما منحكي حرية المرأة عند الغرب بس مننسى انو الاسلام اعطى الحرية الكاملة للمرأة قبل اي شريعة او قانون اختلقه الانسان والاهم من هيك انو لو دخلنا بحياة الغرب للئينا انو المرأة مهضومة الحقوق عندهم يعني مو شرط ازا منشوف المرأة بالبرلمان او بمجالات العمل عندهم زي رايس وغير ها كتير انهم اعطو المرأة حقها اما من ناحيتي الشخصية وعن نفسي ما بلائي اي نوع من انواع هضم الحئوء وبوجهة نزري انو مجتمعنا نوعا ما واعي لحقوق المرأة ومتفهم لحقها بالتعليم والعمل والزواج بحرية الاختيار واعطاها الحرية الشخصية والثقة بس هادا طبعا راجع لطريئة تربية الاهل وزرع الثقة في بنتهم .
انا حابة اضيف شي انو الغلط الكبير انو نضل نطالب المرأة بدخول العمل بكافة امجالات وخاصة السياسية والادارية لانو طبيعة خلق المرأة زي ما خلئها ربنا سبحانه وتعالى عاطفية في معظم الاحيان بما لا يتتناسب مع الوظائف الادارية والسياسية والاهم من هيك انو بنفس البيت بكون الزوج والزوجة بعملو برة البيت بعد الضهر بتكون المرأة مسؤولة عن ادارة البت وشغل ابيت وتحضير الاكل وغيره من الامور البيتية والعناية بالبيت والاطفال بينما الر جل تعب بشغله لازم يرتاح علما بانه التنين كانو يشتغلو (وهاي وجهة نزر شخصية)انو في حالة عدم الحاجة للعمل بسير العمل في اضطهاد للمرأة لانو بستنزف من صحتها وراحتها لما يكون بجانب مسؤولية البيت والاسرة وبأثر على استقرار البيت وارتباط الاطفال بجو العائلة لانو الاهتمام موزع على البيت وبرة البيت يعني نجاح المرأة بانشاء اسرة ناجحة وتربية الاطفال وتوصيلهم لبر الامان بهالدنيا هي اهم وظيفة للمرأة وبتعلى على اي منصب ممكن انها توصله وهادا كان رأي كتير من النساء اللي امو حياتهم بالعمل والمناصب والوظائف .

مع تحياتي : رورو نابلس

مرحبا
الغرب عارفين انو المرأة تتمتع بالحرية في المجتمع العربي و خاصة في ظل الاسلام ..بس هما بنادوا لحرية المرأة الخارجة عن الخطوط الحمراء.....و اللي ما نادى فيها الاسلام ....و الغرب بيعرفوا انو المرأة نصف المجتمع و اساس المجتمع عليها....فالحرية اللي بنادوا فيها فاسدة ....فطبيعي الناتج مجتمع افسد

و بالنسبة الي:
السؤال هل فعلا ترون ان حقوق المرأه العربيه فعلا مهضومه وان المجتمع يرفضكم ويحاربكم وانكم مسلوبي الحقوق ؟
الا هاي.....بالنسبة الي احنا البنات حقنا واصلنا مليون في المية خاصة و اني في مدرسة الموهوبين و اكيد مدرسة مميزة باحس انو متلنا متل الاولاد في المدرسة الثانوية

هل قصر الاباء والابناء والاخوه في توفير ما تردن من امور وكان من هذا المساس فعلا هضم لهذه الحقوق؟
اكيد طبعا لا.....اهلي بعطوني حقوقي و زيادة

نحن الرجال اسئنا الي بناتنا وامهاتنا وحرمناكم من الحريه والاهميه التي وهبكم اياها الاسلام؟

هو الصراحة انو الغالب من الرجال لا....بس في فئة عن جد كتير معقدين بيحرمو النساء من الخروج او حتى العمل ...بحجة ان المرأة مكانها في بيتها بس


هذذا هو راي و اي تعليق ..مو مشكلة

شو رايكم؟؟؟؟؟؟

موضوع حلو للنقاش نايس... يسلموا إيديك..
[/size]
ما في دين في الدنيا أنصف المراة قد الدين الإسلامي.. وما في عصر من العصور عاشت فيه المرآة بكل أريحية وبدون ما تشكي وتتألم قد العصر الإسلامي القديم.. يعني من 4000 سنة... العصر اللي بتتمنى كل امرأة أو فتاة هالإيام إنها ترجعله وتعيش وسط ناسه وأهله اللي بتقوا الله في المرأة..

أنا ما بحكي هيك لإني بشوف إنه المرأة مضطهدة في مجتمعاتنا..!! بس لو نيجي نقارن بين امرأة اليوم ونساء العصر النبوي والراشدي والعباسي أكيد حنلاقي فرق..

أنا عن نفسي الحمد لله.. مش حاسه ابداً إنه أهلي مقصرين بحقي ولو شوي... بس الوحدة وهي بين أهلها في الغالب بتكون معززة مكرمة.. لعند ما ييجي ابن الحلال، ساعتها يا بنصفها يا لأ... بس في بلادنا ، بالغالب في إنصاف، لإنه لعلمك .. لمجتمع الفلسطيني واحد من أكتر المجتمعات العربية اللي وزن المرأة فيه تمام!! والرجل دايماً بعتبرها فيه إيده اليمين.. ما بحكي بكل الحالات، بالمعظم..

أما عن حرية المرأة في الغرب فأنا رأيي من رأي هناء.. ورأيي إنه اللي صار هناك إيشي مبالغ فيه كتير.. بضل للمرآة في فطرة، وهاي الفطرة كرامة من رب العالمين ما بصير للوحدة إنه تخالفها أو تسيء إلها...

مع فائق احترامي..

[size=6]

سهر _ هناء _ رورو _ مريم _ اشكركم لهذا التفاعل اشكر لكم طرح ارأكم بوضوح وصراحه

ولي تعليق هناك نساء فعلا هضمت حقوقهن وهناك منهن لم تأخذ فرصتها وهذا يرجع بطبيعة الحال الي تعدد

الاخلاق ومستوي التفكير العقلي ولاكن هم يبقو قلائل ولن يزدادو بأذن الله ولا يمثلو شيء من المجتمع

ولاكن ما اريد ان اقوله فعلا اللهم من اراد السوء في بنات ونساء المسلمين فجعل كيده في نحره

واشغله في نفسه.....يسلمو صبايا ممكن تاخدو المايك سهر وتطرحو واذا ما عندكم رجعولي اياه

شكرا نايس انا بستلم المايك منك وبدي اطرح موضوع على الشباب بس الاجوبة زي ما تعودنا تكون بكل صراحة وهادا هو شرطي اتفئنا؟؟؟؟؟؟؟
اكيد كلنا منلاحظ بالجامعة انو كتير من الشباب بحاولو يعلقو بنات في منهم بكون بتسلى وفي منهم بكون جدي وسؤالي للجهتين انو لما شب يفكر ببنت ويكون بدو ياها وهو لسا طالب بالجامعة يعني بالعربي باخد مصروفه من ابوه ولسا أدامه كتير على ما يكون نفسه ليش هو بحب بنت وبخليها تحبو تتعلق فيه وهو عارف انو صعب الارتباط بينهم لانو لمايتخرجو لساهو بدو يشتغل ويكون حاله والبنت بعد التخرج اديش بدها تستنى ؟؟واللي خلاني اسأل هادا السؤال انو سمعت كتير قصص بتنتهي بالانفصال لانو الشب مو جاهز او بدو يسافر وغيرها من الاسباب ممكن انو الحب اكبر من انو الواحد يفكر بمستقبل يعني بخلينا بدنا نعيش اللحظة اللي احنا فيها والسلام واللي بعدين على الله
ياريت نشوف شو رأي الشباب بهالموضوع
مع تحياتي
رورو نابلس

طيب سؤال بس ؟؟؟؟؟؟؟؟؟؟؟؟؟؟؟؟؟

واللي مش بالجامعه شو لازم يعمل ما يشارك يعني
لانه انا شايف انه اغلب الاسئله عن الجامعه واللي بصير بالجامعه
ف يا ريت نطرف عن الجامعه ومواضيع الجامعه
لانه مش الكل طلاب !!!!!!!!!!!

ولا كلامي غلط يا اخوان

alsamOooOr