ما هو رايك بمنع الأختلاط بالجامعة...؟؟؟ | الصفحة 2

اول شي....مشكورين جميعا كتير ع مروركم ومشاركاتكم

اكيد الحياة الأجتماية والأحتكاك مع الناس الأخرين بزيد من معرفة الأنسان وبقووي من شخصيتو ......بس هادا مو سبب كافي

وبس ملاحظة للي بقول انو الأسلام اباح الأختلاط من اجل التعليم .....انا بقولو انو يتأكد من كلامو ..ومن مدى صحتو مع العلم اني ما حابب ينطرح الموضوع من الناحية الدينية .....لأنو اصلا ما فيها مجال للنقاش (والحكم الشرعي مفروغ منو والكل بعرفو)


انا اللي بدي ناقشو انو يعني هل انتو يا شباب بتكونو مرتاحين اكتر اذا كانت الجلمعة كلها شباب ........
وكمان للصبايا هل انتو بتكونو مرتاحين اكتر اذا كانت جامعتكم بس للصبايا؟؟؟؟؟

أخي فراس موضوعك حلو كتير

بالإضافه للي حكيتو من قبل بالنسبه للراحه أكيد البنات بكونو مرتاحين
من معاكسات وتعليقات بعض الشباب حسب ما بسمع


أما بالنسبه للشباب فأذن إنو ما بتفرق معهم



تحيــــــــــ أحلى العيون ـــــــــــــــــــــــــــاتي

يله عاد شو جامعة مش مختلطه :eek:
اصلا نص الطلاب بروحوا علشان مختطلت..
اهلين عموو
والله مابرووح
بروح على الروضة الاطفال .. احسن

لا بجد يعني هيك بتقل روح الابداع عند العديد من الشباب والصبايا
هههههههههه
جل الشكر والله
موظوع عسل

المشاركة الأصلية كتبت بواسطة: فراس وبس ملاحظة للي بقول انو الأسلام اباح الأختلاط من اجل التعليم .....انا بقولو انو يتأكد من كلامو ..ومن مدى صحتو مع العلم اني ما حابب ينطرح الموضوع من الناحية الدينية .....لأنو اصلا ما فيها مجال للنقاش (والحكم الشرعي مفروغ منو والكل بعرفو)

انا اللي حكيت انو الاختلاط مباح من اجل التعليم... مش لاقيه دليل بس بتذكر انو درسناه بالمدرسه" الاختلاط في التعليم مباح شريطة ان يكون الجو علميا بحتا"
ان شاء الله اذا لقيت بضيفو بس اسألك كل اللي بتعلمو بالجامعات آثمين؟؟؟ طيب مهو ما عنا جامعات منفصله شو نعمل يعني؟؟؟
جو الجامعات عنا ما الو علاقه بالعلم اصلا... بس مش رح نخلص توجيهي و نقعد بالبيت عشان حرام!!!! فكل واحد بحاول جهده يكون بصوره يرضي الله و يرضي حاله...
والله اعلم.....انا لا افتي....

المشاركة الأصلية كتبت بواسطة: زرقاء اليمامه انا اللي حكيت انو الاختلاط مباح من اجل التعليم... مش لاقيه دليل بس بتذكر انو درسناه بالمدرسه" الاختلاط في التعليم مباح شريطة ان يكون الجو علميا بحتا"
ان شاء الله اذا لقيت بضيفو بس اسألك كل اللي بتعلمو بالجامعات آثمين؟؟؟ طيب مهو ما عنا جامعات منفصله شو نعمل يعني؟؟؟
جو الجامعات عنا ما الو علاقه بالعلم اصلا... بس مش رح نخلص توجيهي و نقعد بالبيت عشان حرام!!!! فكل واحد بحاول جهده يكون بصوره يرضي الله و يرضي حاله...
والله اعلم.....انا لا افتي....

بأكد انو مو الهدف من طرح الموضوع مناقشتو من وجهة نظر دينية .........نحنا بدنا نشوف اراء الشباب والصبايا بس..

اما اذا بدك نحكي شوي من الجانب الديني....فالدليل الوحيد اللي موجود بخصوص هذا الموضيع بقول انو الأختلاط مسموح زي ما حكيتي اذا كان الجو علميا بحتا ولكن مو اختلاط الطلاب بالطالبات المقصود هون انو يكون المدرس من جنس والطلاب من الجنس الأخر ...بس من ناحية الطلاب ما بعرف شو الحكم بالضبط......

بكرر ما بدنا يصير النقاش بس انو الأختلاط حرام ولا حلال ...اللي بدو يعرف مزبوط في عنا كتييييير شيوخ والجامعة مليانة دكاترة شريعه هم اللي بفتو مو نحنا.........

اقتبـاس ،، لا بجد يعني هيك بتقل روح الابداع عند العديد من الشباب والصبايا

هلأ كمان فيي شغلة تانية لفت نظري للألها الأخ جعجبان هل عن جد انو هاد الجو بزيد الجانب الأبداعي عن الطالب....وانو بصير يحاول يكون احسن

ولا يمكن يأثر سلبا ع الطالب........(مع استثناء الحالات الشاذة بين قوسين المثاليين زيادة عن اللزوم والمهملين زيادة عن اللزوم خلونا بالأغلبية)....

مشكور اخ جعجبان عملاحظتك بس كتير منك تقول بروح عروضة ولا بروح ع الجامعة اذا ما كانت مش مختلطة بردو جو الشباب لما يكونو لحالهم كمان حلو كتير

وشكرا للجميع ع المشاركة ........

ملاحظة بنستنى نشوووف رأي الأدمن باأسرع وقت ممكن......

يعني كيف يعني ما بدك الموضوع من ناحيه ديتيّه؟؟
Ok شو رأيكم منفرض الاختلاط حلال و منتناقش على هادا الاساس؟؟؟!!!

الاشي اللي في حكم شرعي واضح و صريح لا يحق لنا اعطاء رأينا فيه اصلا....
اظن انو النقاش لازم يوقف هون...

بدي اعرف ليييييييييش بدك رأي الأدمن
خليه مشغول بالمشاريع اللي عم بعملها
والله قطّع قلبي عليه وهو بحكيلي عنها
هههههههههههههه

المهم بخصوص النقاش
انا سبق وحطيت رد

المشاركة الأصلية كتبت بواسطة: الدكتور انا بأيد الاختلاط بالجامعة
بس برضو ما بأيد انو يكون اختلاط بدون اي ضوابط واللي الكل بعرفها

مشكور فراس على طرح الموضوع

وانا حكيتلك شو كانت وجهة نظري
انو الطالب لما بدو يتخرج من الجامعة ورح يشتغل وينخرط بالحياة العملية مش رح يتعامل مع مجتمع من جنسه او مجتمعه فقط .. صح ؟؟؟
وبالتالي وهو بالجامعة رح تكون إله فرصة كبيرة انو يختلط بمزيج من الطلاب من كافة المجتمعات والعقليات وهون رح يكتسب الخبرة بالتعامل مع الناس اختلاف عقلياتهم وتفكيرهم (بعرف انه انا هون طلعت عن موضوعك شوي) بس بدي اوصل انو لما بدو يشتغل اكيد رح يتعامل مع الجنس الآخر، وبالتالي رح يكون من الأفضل انو لو كان بتعامل معو وهو بالجامعة هيك مش رح يلاقي اي صعوبة او خجل بالتعامل معه بالحياة العملية...

زرقاء اليمامه
هون على ما اظن كان فراس قصدو انو ما بدو يكون النقاش من ناحية دينية
مش انه يهمش رأي الدين في النقاش
لانو هو طارح النقاش حول الاختلاط بالجامعة وبدو آرائنا
ولو كان بدو رأي الدين كان أكيد ما طلب رأينا وراح سأل شيخ او مفتي

والله نورت يا دكتوور ولبعدين بقولك ليش بدي شوف رأي الأدمن والله يعينو ع مشاريعو

الى زرقاء اليمامة اذا قرأتي كل المشارمات السابقة في مرة قلت انو الحكم الكل فينا بعرفو ....صح؟؟


يعني (وبرأيي الشخصي )من الجانب الديني اذا بدك تحكي في حكم الأخطلاط ع اللي بنشوفو بعتقد وانا لا افتي ولا اجزم انو هادا اللي بصير حرام
بس لأنو المجتمع كلو غلط بغلط وما في شي ماشي عأساس الدين اصلا ما بنقدر نجي عن جانب ونقول خلص الأختلاط ممنوع يعني ما في تعليم ....أكييييد لألأ

هلأ أنا ليش ما بدي نخوض بحديث ديني .......لأنو نصنا ع الأغلب ما بعرف بأمور الدين والفقه واللي فينا بعرف مو اكتر من شوية معلومات سطحية (اكيد مو الكل طبعا ) فأذا كل واحد بدو يصير يقول رأيو بالجانب الديني رح نصير نخبص وندخل بمتاهات وشغلات ما النا قدره عليها

أنا بأيدك أخي فراس
على وجة نظرك المنطقيه


تحياااااااااااااتي