الزواج ام الدراسة ايهما في صالح الفتاة ؟؟

انا بشوف الزواج بالمدرسه بكون اسمو زواج مبكر.. بس بعد التوجيهي بصير معقول..
مع انو انا بعد عن تجربتي انو الواحد بالجامعه بتعلم كتير شغلات بتنفلب شخصيتو قلب.. و بيتغير كتير.. بعرف انواع الناس و بتعرض لمواقف بعرف انو في ناس كتيرمش مناح,, و ناس هدفهم مصلحتهم....يعني مرحلة الجامعه مهمه
و بالنسبه للزواج و الدراسه.. انا بعرف بنات متزوجين و بدرسو و ما شاء الله ماشيين تمام بالدراسه... بس يعني ما شاء الله عنهم مش اي حد بقدر يكون زيهم... بس بتوقع حياتهم صعبه.. يعني ما في طلعات و لا زيارات و لا شمة هوا يا دوب دراسه و مسؤوليات البيت..!! الله يكون بعونهم...
بس اكيد البعض رح ما يقدر يوفق و رح بيقصر باشي يا بالدراسه يا بحقوق الزوج و البيت...!! و طبعا الاولى و الاولى الزوج و البيت...!! و في حالة الاهتمام بالدراسه و ترك المسؤوليات التانيه اكيد رح يصير مشاكل بين الزوجين..!!
فالواحد لمل ياخد قرار بالزواج و الدراسه مع بعض لازم يكون متأكد انو بقدر..!!
في نقاط بحب احكي عنها بكره ان شاء الله بكمّل رأيي...
يسلموو احلى العيون..موضوع يستحق الطرح