آخر موضة.. يا حول الله يا رب...

والله جبتيها على الوجع يا سهر

لانو بجد صاير اللبس شي مش طبيعي
سواءً لبس الشباب او الصبايا.
يعني هي بدا الفصل الصيفي بالجامعة وبصراحة عم نشوف صبايا لابسين لبس والله العظيم انو بخزي
يعني انا مش عارف اختفى الحياء والخجل من عند هالبنت حتى تلبس متل هيك لبس !!!
وحتى لو انها ماخدتها كعادة انو تلبس هذا اللبس طب وييييييييييييييين اهلها ؟؟؟
وين ابوها ؟؟؟ وين اخوها ؟؟؟ وين امها ؟؟؟؟
كيف بترضى على بنتك ولا اختك هيك تنزل !!!
ولو ما في عندك اشي اسمه غيرة على عِرضَك !!!!
يعني كل عيون الشباب بتكون بتلاحقها وبتفصل بجسدها تفصيل
هذا غير اللي منشوفو برفيديا والبنت بتكون ماشية مع ابوها ولا اخوها انا مش عارف كيف بكون شعوره !!!

بتذكر مرة حدثني صاحبي انهم كانو شلة شباب قاعدين بالجامعة
ومرت من قدامهم بنت كانت لابسة لبس مش طبيعي فالشباب علّقوا عليها وعلى لبسها وكان من ضمن الشلة اخوها، حكالي صاحبي انو اخوها ما قدر يحكي ولا كلمة ومن منظرو كان بتمنى الأرض تنشق وتبلعوا .
هاد الحكي كلو على البنات ...

طبعاً هلء بعض الشباب اللي بكون بنطلونو وااااااسع ومسحولو لدرجة مش طبيعي وبكون لابسلي سنسال ومكيف على حكالو مفكر حالو بشيكاغو وغيرو بلاوي ...
وفي كمان ظاهرة بس الحمد لله مش واصلة عنا وان شاء الله بتختفي وهي الآن موجودة بدول الخليج واللي بسموهم الجنس الثالث ...

بعرف حكيت كتير
بس هي اللي طلع معي خاصة انو شي بقهر لانو احنا المفروض عايشين ببلد عربي إسلامي شرقي وبأرض الرباط .
وطبعا اللي عنا بضل اهون من رام الله وعمان بس خايف بعد اكم من سنة نسبقهم !!!

بالأخير بس بحكي الله يهدي الجمييييييييييييييع يا رب

بتشكرك كتيييييييييييير سهر الليالي على الطرح المميز

دمتي للهنا بكل خير