مدرسة عرفات للموهوبين في غزة.....ما رايكم فيها؟؟؟؟
مشكورة يا رورو و يا زرقاء اليمامة على مروركم الطيب
و تسلم يا فراس و الله كلام صح مليون في المية كمان
زرقاء اليمامة....بدي اضيف شي الك...اصلا في المدارس العادية ما بيهتمو بالموهوبين و الممتازين بقدر كاف ...كل هم المعلمين انو الدرس انشرح ...و برايي ان مدرسة الموهوبين اعطت مجال للموهوبين للابداع و تعويضهم بطريقة ممتازة
ففي هاي الحالة المدارس التانية تشتغل صح و تهتم بالطلاب الاضعاف.........
و بعدين و جود مستويات بينهم فرق كبير..يعني ممتازين و ضعاف ...اكيد شي صعب على المدرس نفسه في طريقة الشرح ...و بدو يعيد و يزيد ..اي و الله الحصة مملة ...و كمان نفس مستوى الامتحان و الله هيك حرام و ظلم كمان
لكن عنا في المدرسة الكل نفس المستوى فهادا احسن النا و للمدرس كمان و نفس مستوى الامتحان
اصلا كمان في كل الدول تقريبا في مدارس موهوبين ....متل الصين و سوريا و لبنان و المانيا و بريطانيا
يعني هاي فرصة لحتى تكتشف المدارس التانية اخطاؤها و تصلحها ...........شو رايك يا فراس؟؟؟؟
و شغلة تانيى انا انسيت ااقولها ....انو احنا مو دايما بناخد الحصص في الصف....يعني مرات حصة الادارة بتكون في الساحة
و حصة الدين مرات في الحديقة على الحشيش و عند الاشجار عن جد شي رااااااااااااائع
و كمان السنة الماضية ( اولى ثانوي) حصة التقنية مرة في الساحة و مرة في الحاسوب و مرة في في الحديقة
و يا رورو مش شرط الاذكياء موت هما اللي بالمدرسة و العباقرة بس
عادي الطلاب و الطالبات اللي عنا عادي ......ما بنحس انو في فرق ابدا
و فراس .........انا عمري ما بكيت على العلامة........اذا بكيت ببكي على حالي انا و اني قصرت في المادة ....لانو لولا تقصيري ما كنت جبت هيك علامة هادا الكلام غالبا
و بالنسبة للامتحانات اذا في طالبة عندها جواب خطأ و هي مقتنعة بجوابها و المعلم حط عليه خظأ .....ما بيصير عنا التجاهل
يا هو بيقنعها او هي بتقنعو ........و اذا اقتع الاستاذ بيحطلها العلامة المناسبة
و احلى شي انو الاذاعة احنا اللي بنصممها و المنبر النا حر
و كمان عنا اسلوب المايكرو تيتشر( micro teacher) انو الطالب اي درس بدو ممكن هو يشرحو
في المدارس التانية كان سم الموت و لا انو وحد تشرح ...الحصة بتصير مملة موووووووت
بس عندنا لما جربنا ...و جدنا انو الانتباه اكتر و خاصة انو احنا بنبدع في طريقة العرض و البنات بصيرو يسألو و النقاش احلى اكتر
و المدير كمان مستحيل يكون طول الوقت في المكتب.......دايما بين الحصص و بيطمن علينا و براقب المعلمين
مثلا بيحكيلنا اي خدمات اي اقتراحات.........و حتى المعلمين بيقولولنا انو احنا بدنا ننشر جو زي اللي بالجامعة
و حتي بينمو فينا روح النقاش و بعض الحصص احنا بنخصصها للنقاش متل ايام الانتخابات و الاحداث بين فتح و حماس و الاوضاع
عن جد و الله شي ممتاز و رائع ..........و خبر جديد في عنا بغزة روضة الموهوبين للاطفال المبدعين في الروضات التانية اذا و جدوا الطفل ممتاز و مستواه العقلي عالي ...من نفسهم بيرسلو على هاي الروضة......
اصابعي تكسروا من الكتابة
تحياااااتي
