الهمر في نابلس راحت هيبتو (صوره)
معلش تحملوني...................لأني انا ضد وبشكل قاطع جدا..ترشيق الحجارة بالوقت الحالي..........
يمكن كان الو قيمة زمان ايام الأنتفاضة الأولى .....بس هلأ اختلف الوضع كتييير كتيير
مع الأحترام للجميع هدول اللي سميتوهم ابطال الحجارة انا بسميهم ابطال التخلف والجهل والأنتحار......
بعدين اذا مبسوطين كتير عشان الهمر راحت هيبتو .........هما (اليهود) يمكن يا دوب مكفيهم انهم يشوفونا مذلولين وبنشتهي نشوف شوية كرامة ......
يعني انا بقبل ترووح كل هيبة جمادات الدنيا .....في سبيل اني شعبي يحصل على نتفة كرامة وعزة
بعرف انو هيبتنا وكرامتنا وشموخنا وعزتنا ......موجودين بأصرارنا وتحدينا وصمودنا وباقي الشغلات (الكل هيك بحكي )صح...ما بدي حد يذكرني بس انا بحب اشوف كل شي عالواقع .......وللأسف هادا الحكي شفتو بوضوح شديد وانا مرقت عن ثلاثة حواجز بس من شان ادخل لمدينتي نابلس بعد ما بعدت عنها مسافة لا تزيد عن 20 كيلو متر..................(انا ما بحب اضحك عحالي)))..
وسؤال تاني بطرح نفسو......ليش بندعي من ربنا يحميهم اذا كانو هما مو حاميين حالهم اصلا.......
كمان بدي افهم هدول الشباب ليش برشقو الحجار.....(بس مش حد يقوللي من شان يضيعو هيبة الجب)) مصيبة .!!اذا كان هيك الجواب....
انا بعرف الجواب ....ما بدي اكتبو
اخر شي......تخيلوو معاي هادا المشهد عنفس الصورة...::
انو الهمر وقف .....نزل الجندي.....صوب سلاحة عالشب .......الشب اكيد رح يخاف......الجندي ما بدو يطخ عالشب اصلا .....قلو تعال قرب.ما تخاف ما رح تموت........وصل الشب عند الجندي.....الجندي بس ضرب الشب كف والكف ما كان قوي كمان ....وتف بوج الشب......طبعا الجنود التانين مجهزين سلاحهم وبتفرجو.....بعدها الجندي بكل تكبر بدفش الشب بأجرو وبقولو روح انصرف كمل ترشيق حجار انا ما بتهمني هيبة الحديد انا اللي بهمني البشر اللي بعمل الحديد ورشق حجار قد ما بدك ما رح نسمع صوتها حتى ولا رح تأذي الجب ولا رح يطلع بايدك تعمل شي...
