عالج اصفرار اسنانك بدون الذهاب الى طبيب الاسنان
انا مع رمرومة بردها
اما بالنسبة للطرق اللي تم ذكرها هاي بتبيض الاسنان بس الها مضار كتيرة. كيف؟
الليمون مادة حمضية تعمل تفاعل كيميائي مع طبقة المينا على السن و تؤدي لتآكل الطبقة الخارجية منها و بتبين جزء جديد من طبقة المينا بتكون بيضاء لانها لسه ما انصبغت.. مع تكرار هذه العملية بتروح طبقة المينا تاعت السن و بتبين طبقة العاج الصفراء"مهما حاولتو ما راح تسير الاسنان بيضاء بعد هالمرحلة" و مش بس بكون لون الاسنان صفراء، كمان بتسير الاسنان حساسة جدا للهواء و الماء و بصير في ألم في الاسنان "نفس الشي بالنسبة لبيكربونات الصوديوم بتضر الاسنان و اللثة كمان"
اما بالنسبة للفحم هو ما بسحب الصبغات بل هو يزيل جزء من طبقة المينا عن طريق الحت"زي ما تحتو بالحجر بتآكل" و مع التكرار بضر الاسنان و ببين طبقة العاج الصفراء بالاضافة الى الحساسية اللي راح تبين بالاخر
فأنا ما بنصح ابدا بهاي الطرق
في طريقة جديدة لتبييض الاسنان بالليزر... هاي الطريقة بتزيل صبغات الاسنان عن طريق الليزر من دون ما تخسرو اي جزء من اسنانكم و بالتالي بتلاقو اسنانكم بيضاء لاطول وقت ممكن.. هاي الطريقة بتم عملها بعيادات الاسنان مش بالبيت طبعا
بس ضروري مراعاة انو ممكن ترجع الاسنان مش بيضاء مع اي طريقة تبييض خاصة اذا كان الشخص مدخن او بشرب شاي او قهوة كتير..
شكرا الك مايا عالموضوع
