ظاهرة تتمنون معرفة أسبابها وزوالها؟؟؟(الحلقة الأولى)
"نضال,,,أمجد,,,زرقاء اليمامة,,,أبو أنس"
كل الشكر على تفاعلكم مع الموضوع...
طرحتو نقاط كتير مهمة ومعلومات كتير مفيدة وبتمنى الكل يكون إستفاد منها...
كان نفسي أتناقش معكم بكل النقاط اللي طرحتوها بس لظرف صعب بعدت عن المنتدى لفتره لكنكم كفيتو ووفيتو كان نفسي كل الأعضاء يمرو ويشاركو بآرائهم بس كبداية نتيجة مرضية...
وهلأ حابة أضيف رأيي
بالنسبة لتعدد الزوجات هو صحيح حل لمشكلة العنوسة بس في كمان حلول تانية
متل:
*تخفيض المهور وعدم المغالاة فيها
**في كتير دعم بجي لأفراد شعبنا من بلاد برا سواء من العرب أو الأجانب وكلنا بنعرف هالشي ليش نكزب على بعض مفي داعي"إجى دعم بالهبل كلو راح علأكل وبعدين بتعرفو وين إنتهى؟؟؟.
وبصراحه على هادي النقطة...
بحب أحكي مو ضروري إنو دايماً نفرجي الأجانب وإللي بدعمونا إنو إحنا ميتين عالمؤن
"بصراحه المنظر أيام توزيع المؤن بخزي كتير"
ليش نعمل هيك وإحنا أصلاً مو هيك
وعالأغلب مو دايماً بوصل كل شي البركة باللي بوزعو كتير عندهم زمة وضمير
ولهيك أضمن طريئة
إنو المصاري هادي ينعمل فيها مشاريع يستفيد منها الكل وخصوصاً الشباب
ولهيك لازم نفرجي الأجانب "الدول المانحة" إنو إحنا طلباتنا مابتقتصر على الأكل والشرب
لازم نحسسهم إنو إحنا شعب راقي متل ماإحنا أصلاً وبدل المؤن يعملولنا بالمصاري؟؟؟
مشاريع إسكان
وهيك بنحل مشكلتين :
1*البطالة
2*السكن.
بتمنى إني أكون حكيت الشي الصح بالطريئه الصحيحة ...
وكل الشكر إلى كل من أثبت وجوده... بموضوعي ,,,صفحتي,,,المنتدى,,,المجتمع,,,والعالم الخارجي ,,,والوضع الاجتماعي في بلادنا
دليل على إن كل من مرّ في صفحتي هو إنسان جريء يعي حقيقة مايجري...
مع حبي وإحترامي للجميع.