حكم الإحتفال بعيد الأم أو حتى تخصيص هذا اليوم لتقديم هدية ؟؟

يعني هلأ بدكم تقنعوني انو يوم الام هو اللي خارب بيت الامه الاسلاميّه!!!!!! لأنا تشبهنا بالغرب...
انزلو على الشارع شوفو كيف الشباب بلبسوا و كيف بعملو شعرهم و كيف السنسال و اسواره حاطينهم و كمان شوي بحط حلق...
...و الأغاني الفاضيه اللي بسمعوها هادا التشبه بالغرب اللي ما بدنا ياه و لا منقبلو....و منتشر لأعلى درجه و ما حد بعترض عليه...
يا عمّي مبدأ يوم الام ما فيه اشي بخالف دينا او مبادئنا......ما بمس العقيده.....
و انا برايي "بتكسروا خاطر" امهاتكم اذا ما جبتولهم هديّه بهادا اليوم....
و ليش ما شفنا موضوع عن تحريم عيد الميلاد و تحريم الاحتفال بالمولد النبوي و تحريم.....
متلا عيد الحب " valentine " لو حكيتو انو حرام...انا شخصيا ما رح اعارض لأنو الحب اللي بحكي عنو مخالف للحب اللي شرعو دينا الاسلامي....
والله اعلم...
انا لا أفتي قال رسول الله" اجرؤكم على الفتوى اجرؤكم على النار"....
بس اعتقد انو متل هادا الموضوع في خلاف بين العلماء فيه...و كل حد باخد بالفتوى اللي بقتنع فيها.....